यूहन्‍ना 8:47 - थुलुङ राई

⁴⁷ उहेम माम्‍चु़नीकु चो़, माम्‍चु़नीका जेमिमिम ल्‍वा मेरामका थो़सु़। गानी माम्‍चु़नीकु चो़ मेएँ, मेम्‍मिमका गानी मेथो़निमिम।”

यूहन्‍ना 8:47 Referans Kwoze

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

यूहन्‍ना 8:45

लावो गो आच्‍छाङाकाम ल्‍वा जेङुमिमका गानी गोडला थो़र मेलु़नी।

यूहन्‍ना 8:37

गानी अब्राहामकु चो़-चु़सु़ र्‍वाक्‍साका गो चक्‍पु। लावो गानी गोलाई सेन्‍मु माल्‍तोङा लेन्‍ङिनी, हेङालोने इनीमा न-गोडा आमा सिजेमकु बाखोप मिबु।

यूहन्‍ना 8:43

गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

यूहन्‍ना 6:65

मेकोतिमा येशूका र्‍वाम्‍डी, “मेम्मिमका गो गानीलाई आरे र्‍वाङडोम बाइडा, ‘पापका कोङनिमलाई आमाडा मेरेथु़मसम्‍म सु़वो आमाडा रोमु मेचाप्‍सु़’।”

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।