यूहन्‍ना 8:43 - थुलुङ राई

⁴³ गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

यूहन्‍ना 8:43 Referans Kwoze

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

थु़र्मा 7:51

“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।

यूहन्‍ना 6:60

येशूकु सीसिपामिम हापाका र्‍वाम्‍डी, “ओराम सीसि थेसिथेन्‍मु हापा मेझापा बु। सु़का ओराम थो़मु चाप्‍सु़?”

यूहन्‍ना 8:27

गुमीका उनीमा पापकु दुथाम र्‍वाम्‍डिम र्‍वाक्‍साका मेर्मिमका थेसिमेथेट्‌मिवा।

रोमी 3:11

माम्‍चु़नीकु दुथाम थेसीथेट्‍पा मु़चु़ सु़ वो मेबुमी, मा माम्‍चु़नीलाई माल्‍पा वो मेबुमी।

मत्ती 13:15

हेङालोने मु़चु़मिमकु न-गो थेसिमेथेट्‌पा दु़स्‍ताम बु, मा मेर्मिमकु नोफ्‍ला मेथो़पा दु़स्‍ताम बु, मा मेर्मिमका उनी मिक्‍सी क्रिम्‍मिडिम बु, मेएँ माला ने मेर्मिमका मिक्‍सीका ल्‍वामिवा, नोफ्‍लाका थो़मिवा, उनी न-गोका थेसिथेट्‌मिवामा ख्‍लोम्‍सिप्‍मिवा, मा गो मेर्मिमलाई सबेट्‌पुमिवा।’

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

यूहन्‍ना 8:33

मेर्मिमका गुमीलाई र्‍वाम्‍डी, “गुकु ने अब्राहामकु चो़-चु़सु़, सु़काम हेल्‍लो वो डु़ल्‍चो़ दु़म्‍तोकोम मिबु। गानी फ्‍वान्‍सिनी र्‍वाक्‍साका हाम र्‍वानिमिम?”

यूहन्‍ना 8:39

मेर्मिमका गुमीलाई र्‍वाम्‍डी, “आकीमा बेब-पाप अब्राहाम।” येशूका मेर्मिमलाई र्‍वाम्‍डी, “गानी अब्राहामकु चो़-चु़सु़ माला ने अब्राहामका बु़डु़म होप्‍माम खारी गानी वो बेनिवा।