यूहन्‍ना 8:42 - थुलुङ राई

⁴² येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

यूहन्‍ना 8:42 Referans Kwoze

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 14:10

“गो पापगोडा बुङु मा पाप आमागोडा बुमी र्‍वाक्‍पा हाम गाना थो़र मेलु़ना? गो गानीलाई र्‍वाङुमिम ल्‍वा आमा त्‍वाकु नका र्‍वाङुमिम मेएँ, आमागोडा बाट्‌पा पापका र्‍वाबेन्‍ङिमिम, मा गुमीका उनी खारी बेत्तोङा लेन्‍मी।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।