यूहन्‍ना 8:40 - थुलुङ राई

⁴⁰ मेम मेबेसाका, गानी गोलाई सेन्‍मु माल्‍तोङा बोङिनी, हेङालोने माम्‍चु़नीलाम थो़उतोम आच्‍छाङाकाम ल्‍वा गो गानीनुङ सो़उतो। अब्राहामका ने हेल्‍लो वो आरे मेबु़वा।

यूहन्‍ना 8:40 Referans Kwoze

यूहन्‍ना 8:26

इनीमा दुथाम सो़मु नुङ निया बोमु बासिक्‍पा हापा ल्‍वामिम गोनुङ बु। लावो गोलाई थु़र्पा ने आच्‍छाङाकाम बुमी, मा गुमीलाम गो हाम थो़उ, मेराम ल्‍वा सु़म्‍दिसेरडाम मु़चु़मिमलाई थो़बेट्‌पुमी।”

गलाती 4:29

लावो मेमबिलि मिरो़मकु न होम्‍साका गक्‍पा तारापाचो़ इस्‍माएलका माम्‍चु़नी-पेलकु यु़मलाम गक्‍पा इसहाककु थो़मतेर्साड्‍डु़म बाइडा। मेराम होम्‍साकाङा ओम्‍लो वो माम्‍चु़नी-पेललाम गक्‍पामिमलाई डु़म्‍लागोडा बाट्‍पामिमका दु़खा ग्‍वामी।

गलाती 4:16

हाम गो गानीलाई आच्‍छाङाकाम ल्‍वा सो़उतोमका गो इनीमा स्‍वाक्‍चिमो मु़चु़ दु़म्‍ङोडोम बु मा?

रेम्‍बेट्‌मिडिम ल्‍वा 12:17

मेम्‍मा डोमिफु मे मेसेमडाम उ छोक्‍चोका इप्‍ल्‍याड्‌डु़। मेम्मिमका माम्‍चु़नीका र्‍वामिमिम होङङा खारी बेपामिम मा येशूका थेसिथेन्‍बेट्‌मिडिम सीसि होङङा दोपामिमकु कोर्थो़लाम क्‍वाल्‍बा बेप्‍डा मे मेसेमकु वाङमिम उ चो़मिमकाडा लस्‍ता।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रोमी 4:12

आरेसाकाङा यहूदीमिमका खिरिरि क्रिप्‍मिडिमका कोङङा मेएँ, लावो अब्राहामका थो़र बु़डु़म होम्‍साकाङा मेर्मिमका वो थो़र बेम्‍डिमका गु खिरिरि क्रिपामिमकाम वो ङाउ-खुउ दु़स्‍ताम सो़।

यूहन्‍ना 8:56

इनीमा बेब-पाप अब्राहामका गो योक्‍पा थारी रेम्‍मु छो़म गेर्सिक्‍पा बाइडा। गुका मेराम ल्‍वास्‍तु़, मा गेर्सिद्‌वाक्‍ता।”

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।