यूहन्‍ना 8:34 - थुलुङ राई

³⁴ येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, छु़ल बेपा खोत्‍ले मु़चु़ ने छु़लका र्‍वामिम होङ्‍ङा बेपा डु़ल्‍चो़ होप्‍माम सो़।

यूहन्‍ना 8:34 Referans Kwoze

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

रोमी 7:25

येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।

रोमी 8:21

प्रङसिट्‍पामिम पुयु़लुक्‍सीडाम वाङ दु़म्‍साका माम्‍चु़नीकाम चो़-चु़सु़मिमनुङ वाङ दु़म्‍सीडा कोले दु़म्‍मी।

रोमी 7:14

डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।

थु़र्मा 8:23

गाना नाचु़र नुङ मेजो़पा ल्‍वामिम इमा नगोडा कुर्थानामिम गो ल्‍वाउ।”

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

मत्ती 5:18

आच्‍छाङा गो गानीलाई र्‍वाङु, सुबु नुङ धामु मेदाममिमसम्‍म माम्‍चु़नीकु डु़म्‍लागोडाम कोले वो मेदाम। मेम्‍मा डु़म्‍लाका र्‍वाक्‍ताम खोत्‍ले ल्‍वा होङङा मेरोक्‍थिथु़मसम्‍म मेरामकाम कोले याक्‍के बिन्‍दु ङा लोवो मेराम मेदाम।