यूहन्‍ना 8:32 - थुलुङ राई

³² मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

यूहन्‍ना 8:32 Referans Kwoze

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

यूहन्‍ना 8:36

मेम्‍मिमका तारापाचो़का गानीलाई फ्‍वाक्‍नी माला आच्‍छाङा गानी फ्‍वान्‍सिनी।

यूहन्‍ना 17:17

मेर्मिमलाई आच्‍छाङाम ल्‍वाडा सेपा दु़म्‍बेट्‌नी, इनीमा सिजेम आच्‍छाङाम बु।

१ पत्रुस 2:16

गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

याकूब 2:12

मेम्‍मिमका गानी जेनिलो खारी बोनिलो ओराम मिम्‍नी, गानीलाई छु़ल नुङ सिमुलामका फ्‍वाक्‍पा डु़म्‍लाका इनीमा निया वो बु़ सो़।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

२ तिमोथी 3:7

मेर्मिम मेसेममिमका सीम्‍सिमु ने हेल्‍लो लोवो सीम्‍सिमी लावो माम्‍चु़नीकु दुथाम आच्‍छाङाकाम ल्‍वा हेल्‍लो वो थेसिमेथेट्‌मी।

यूहन्‍ना 6:45

माम्चु़नीकु सिजेमडा आरेसाका र्‍याक्‍मा बु: ‘माम्‍चु़नीका मेर्मिम खोत्‍लेलाई सीमी’ उहेमका पापलामका थो़मी मा सीम्‍सिमी मेर्मिम आमाडा रोमी।

मत्ती 11:29

आमा जुवा बालामडला कुर्साका गोनुङ लाम्‍दिनी, मा गोनुङ सीन्‍सिट्‌नी। हेङालोने गो न-गोनुङमा नुङ न-थो़मनुङमा बुङु, मा गानी इनी नडा भ्रन्‍सिनी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

१ कोरिन्थी 7:22

हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।