यूहन्‍ना 8:24 - थुलुङ राई

²⁴ गानी इनीमा त्‍वाकु छु़लडा सिनी र्‍वाक्‍साका गो गानीलाई र्‍वाङ्‌डो। गो गुमीङा र्‍वाक्‍साका गानी थो़र मेलु़निवा माला गानी इनीमा छु़लडा सिनी।”

यूहन्‍ना 8:24 Referans Kwoze

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

यूहन्‍ना 13:19

“आरे दु़म्‍मु ङादोङा गो गानीलाई ओराम ल्‍वा र्‍वाङु, मेम्‍साका आरे दु़म, मा गो गुङा र्‍वाक्‍पा गानी थो़रलु़नी।

यूहन्‍ना 4:26

मेकोतिमा येशूका मे मेसेमलाई र्‍वाम्‍डी, “गानानुङ जेत्तोङा बेपा गो गुङा सो़।”

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

यूहन्‍ना 8:21

आथावो येशूका मेर्मिमलाई र्‍वाम्‍डी, “गो ओलामका लङु मा गानी गोलाई माल्‍ङिनी, लावो गानी इनीमा छु़लडा सिनी। गो बान्‍ते लङु मेसिन्‍डा गानी रोमु मेचाम्‍नी।”

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

मर्कूस 13:6

‘गो गुङा’ र्‍वाक्‍तो आमा नङडा रोक्‍पा हापा ङा दु़म्‍मी, मा मेर्मिमका हापालाई ब्‍लो़म्‍मी।

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

मत्ती 24:5

हेङालोने हापा मु़चु़मिम आमा नङडा रोमी, मा ‘ख्रीष्‍ट गोङा’ र्‍वामी। मेर्मिमका हापा मु़चु़मिमलाई ताङताहेरथो़ लक्‍पा बनेबोमी।

यूहन्‍ना 8:25

मेर्मिमका गुमीलाई हिलाबेम्‍डी, “गाना सु़?” येशूका मेर्मिमलाई र्‍वाम्‍डी, “ङादो आथाम गो गानीलाई र्‍वाङडोम गो गुमीङा सो़।

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

यूहन्‍ना 8:58

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, अब्राहाम गमु ङादो आथामङा गो बुङु।”