यूहन्‍ना 8:15 - थुलुङ राई

¹⁵ मु़चु़का बोमिमिम होङ्‍ङा गानी निया बोनी। गो ने सु़काम वो निया मेबेउ।

यूहन्‍ना 8:15 Referans Kwoze

यूहन्‍ना 12:47

“कोङनिमका आमा सिजेम थो़सु़ लावो मेराम होङ्‍ङा मेबु़ माला गो मेरामकु निया मेबेउ। हेङालोने गो सु़म्‍दिसेरकु निया बेप्‍डा योङ्‌डोम मेएँ, लावो सु़म्‍दिसेर सेल्‍मु लागि योङ्‌डोम।

यूहन्‍ना 7:24

ङाली रेप्‍साका मेएँ, जो़होमका निया बेनी।”

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 18:36

येशूका र्‍वाम्‍डी, “आमा किब्‍दी ओराम सु़म्‍दिसेरडाम मेएँ। आमा किब्‍दी सु़म्‍दिसेरडाम माला ने आमा डु़ल्‍चो़मिमका आमा लागि क्‍वाल्‍बा बेमिवा, मा यहूदीमिमकु ल्‍वाडा गो मेचु़म्‍सिङुवा। लावो आमा किब्‍दी ओराम सु़म्‍दिसेरडाम मेएँ।”

१ कोरिन्थी 2:15

माम्‍चु़नी-पेलनुङमा मु़चु़का जो़पा नुङ मेजो़पा र्‍वाक्‍साका खोत्‍ले ल्‍वा छाम्डु़, लावो वाङमिम सु़का वो गुलाई ने छाम्मु मेचाप्सु़।

रोमी 2:1

मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

यूहन्‍ना 8:11

मेराम मेसेमका र्‍वाक्‍ता, “सु़का वो मेग्‍वाङ्‌मिवा ङाचो़।” येशूका र्‍वाम्‍डी, “गो वो गानालाई देन्‍दे मेग्‍वानी। लक्‍सा, आथाडा आनो छु़ल मेबे।”

याकूब 2:4

हाम गानी इनी त्‍वाप-त्‍वापगोडाङा चोमिक्‍सी बेसाका मेजो़पा नका निया बेपा मेदु़म्‍निवा मा?

लूका 12:14

लावो येशूका मेराम मु़चु़लाई र्‍वाम्‍डी, “ङोप्‍सो़, मेम्‍साका निया बेपा, मा मुलु़ बेप्‍साक्‍पा सु़का गोलाई थुट्‌ङिडिम बु मा?”

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।