12 आथावो येशूका मु़चु़मिमनुङ ल्वाबेम्डी, मा र्वाम्डी, “सु़म्दिसेरडाम मु़चु़मिमकु ओल गोङा सो़। आमा चङचङ लाम्दिपा मु़चु़ हेल्लो वो तुकुम्चिमडा मेलाम्दी, लावो मेरामका त्वारो़म ग्वाक्पा ओल ल्वासु़।”
गो ओराम सु़म्दिसेरडा ओल दु़म्साका योङ्डोम बु, मा गोडला थो़रबेपा मु़चु़ सु़ वो तुकुम्चिमडा मेदु़म्नु़।
गो सु़म्दिसेरडा बुङुमिमसम्म सु़म्दिसेरडाम मु़चु़मिमकु ओल सो़।”
येशूका मेर्मिमलाई र्वाम्डी, “आथावो घरिकोङसम्म ओल गानीनुङ दु़म। ओल गानीनुङ बुलो लाम्दिनी, मा तुकुम्चिमका गानीलाई मेहुम्निनु। तुकुम्चिमडा लाम्दिपा मु़चु़का गु बान्ते लक्तोङा लेडु़, मेराम मेच।
“गानी सु़म्दिसेरडाम ओल होप्माम सो़। पोप्चङडला बनेबेम्मा शहर सु़का वो थमु मेचाम्मी।
मुलु़दुङकु ओरामङा सो़: माम्चु़नीकु ओल सु़म्दिसेरडा योक्ताम बाइडा। लावो मु़चु़मिमका ओलडाम ने तुकुम्चिमङा हापा द्वाम्डी, हेङालोने मेर्मिमकु खारीमिम मेजो़पा बाइडा।
पाह्रीचो़मिमका छु़ल बेम्डिलो वो माम्चु़नीका मेडिट्मिवा। गुमीका मेर्मिमलाई खादीगोयु़ घ्रोम्सोम्डी मा निया दु़म्मिम नेमसम्म लागि तुकुम्चिमडा जु़ल्थाप्मी।
हेङालोने ङाचो़का गुचुकुनुङ आरे र्वाम्डिम बु: ‘गो गानालाई वाङसामामिमकाम लागि ओल होप्माम दु़म्बेट्निम बु। सुबुडाम खोत्ले मु़चु़लाई सेल्मु गाना माम्चु़नीलाम यु़म ल्वाना’।”
मेर्मिमका आरे दु़म र्वाम्डिम बाइडा, ख्रीष्ट सिमु ङा बासी, मा सिमुलाम बग्गेट्पामिमडाम ङादोम दु़म्साका गुमीका यहूदीमिम नुङ वाङसामामिमलाई माम्चु़नीकु ओल होप्माम सिजेमकु दुथाम सो़मी।”
येशूका र्वाम्डी, “लाम्दी, आच्छाङा नुङ त्वारो़म गोङा सो़। गोडाम वाङमिम सु़लामका वो पापकाडा रोमु मेचाम्मी।
कोङनिम मु़चु़का माम्चु़नीकु न होङङा बोमु न बु़ माला आमा सीसि माम्चु़नीलाम रोक्पा डे आ त्वाकाङा जेङुमिम डे मेराम गुका च।
मे शहरकु ओलका मु़चु़मिम लाम्दिमी, मा सुबुडाम हपमिमका उनी खाप्ची मेसिन्डा रेन्मी।
वाङसामामिम सेल्सिक्पा लाम्दी रेम्बेट्पा ओल नुङ इनी त्वाकु सामा इस्राएलीमिमकु यु़म-झ्वाक्पा ओल मेराम दु़म्बेट्निम बु।”
मेर्मिम ने दो़न्दो़न्या मेबाट्पा दिरिदिनकु बाबारिम होप्माम सो़। कुकु बाबारिमका जाजाब्लु़म ख्लुकु़मिम होङङा मेर्मिमका क्रो़मलु़पा खारी रेम्बोमी। मेर्मिम ताङताहेरथो़ लक्पा सोरलुङ होप्माम सो़, उहेमकाम लागि केकेयाम तुकुम्चिम हेल्लो लोवो रान्थाट्मा बु।
लिमा ल्वा सीपा ओर्मिम मु़चु़ कु मेपुट्पा कुकु नो़मिम नुङ ब्लोजु़का हुट्पा सिखाप होप्माम सो़। माम्चु़नीका मेर्मिमकाम लागि छो़म तुकुम्चिमका हुपा खोम बनेबेम्डिम बु।
त्वाकु साखामगोडा मेबासाका त्वाकु बाखोप डिट्पा मे पाह्रीचो़मिमलाई गुमीका हेल्लो वो मेभ्रसिक्पा सेलरिवाका बसाका मे डोक्पु नेमसम्मकाम लागि तुकुम्चिमगोडा जु़ल्थाप्मिमिम बु।
गानीनुङ ओल बुलोङा मेरामडला थो़रलु़नी। मेम्मा गानी ओलडा बाट्पा मु़चु़ होप्माम दु़म्नी।” येशूका ओर्मिम ल्वा र्वामु दु़म्मिडिमा मेलामका लम्डिमा मेर्मिमडाम थसिक्साका बाम्डी।
इकीमा हेमकेम माम्चु़नीनुङ बु र्वाकी मा तुकुम्चिमडाङा लाम्दिइ माला गुइ लिमा थेडी, मा आच्छाङाकाम ल्वा होम्साका मेबुइ-मेदोसी।