यूहन्‍ना 7:45 - थुलुङ राई

⁴⁵ सो़रनेम लपा मु़चु़मिम येशूलाई मेचु़म्‍साकाङा ख्‍लोम्‍सीम्‍डिमा फरिसी नुङ ङाउ डु़म्‍लाचो़मिमका हिलाबेम्‍डी, “मेरामलाई गानी हेङा मेरेट्‌निवाम?”

यूहन्‍ना 7:45 Referans Kwoze

यूहन्‍ना 7:32

सेर्पा मु़चु़का सु़पील्‍वाका ओराम ल्‍वा जेम्‍डिम बाम्‍डिम फरिसीमिमका थो़म्‍डी। मेम्‍मा फरिसी नुङ ङाउ डु़म्‍लाचो़मिमका येशूलाई चु़म्‍मु लागि सो़रनेम लपा मु़चु़मिमलाई थु़र्मिडी।

मत्ती 26:58

लावो पत्रुस ने होनो-होनो बासाका डोक्‍पु ङाउ डु़म्‍लाचो़कु देल्‍फुसम्‍मङा येशूकु चङचङ लस्‍ता। मेम्‍मा मेसिन्‍डा हाम दु़म र्‍वाक्‍साका रेम्‍मु लागि गु मेगोडा लस्‍तामा लपा मु़चु़मिमनुङ बाइडा।

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

यूहन्‍ना 11:46

लावो मेर्मिमगोडाम कोङनिम ने फरिसीमिमकाडा लम्‍डी, मा येशूका बेम्‍डिम खारीकु दुथाम सो़म्‍डी।

यूहन्‍ना 11:47

मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।