यूहन्‍ना 7:39 - थुलुङ राई

³⁹ गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

यूहन्‍ना 7:39 Referans Kwoze

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 12:16

येशूकु सीसिपामिमका ओर्मिम ल्‍वा ङादो थेसिमेथेट्‌मिवा। लावो येशूकु यु़म-झ्‍वाक्‍सीडाम चङ्‌डा मेर्मिमका ओर्मिम खोत्‍ले ल्‍वामिम उनीमा दुथाम र्‍याक्‍मा बाइडा। मेम्‍मा मे मु़चु़मिमका उनीमा लागि ओर्मिम खोत्‍ले बेम्‍डिम रेछा र्‍वाक्‍साका थेसिथेट्‌मिडी।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

यूहन्‍ना 20:22

आकोति र्‍वाम्‍डिमा गुमीका मेर्मिमडला सामका होट्‌मिडिमा र्‍वाम्‍डी, “माम्‍चु़नी-पेल रनी।

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

२ कोरिन्‍थी 3:8

त्‍वारो़म ग्‍वाक्‍पा माम्‍चु़नी-पेलकु खारी रेडिलो मेरामडाम वो हापा घ्‍ल्‍वापा यु़म झ्‍वाक्‍सी मेदु़म मा?

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

यूहन्‍ना 1:33

गुमीलाई आथावो गो छेत्तोमिम मेबायावा, लावो कु-रु़दु़म ग्‍वाका र्‍वाक्‍साका थु़र्पा माम्‍चु़नीका गोलाई आरे र्‍वाम्‍डी, ‘पेल उहेम मु़चु़डला योमिमा गन्‍मिमिम ल्‍वाना, गुमीकाङा माम्‍चु़नी-पेल-रु़दु़म ग्‍वाकु़मी।’

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

यूहन्‍ना 1:21

मेर्मिमका गुलाई हिलाबेम्‍डी, “मेएँ माला सु़ गाना? गाना माम्‍चु़नीलाम-जेपा एलिया?” यूहन्‍नाका मेएँ र्‍वाक्‍ता। मेर्मिमका हिलाबेम्‍डी, “हाम गाना गुकु लथान्‍कुमिम माम्‍चु़नीलाम-जेपा मु़चु़?” गुका मेएँ र्‍वाक्‍ता।

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मत्ती 16:14

मेर्मिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया र्‍वामी, मा याङका यर्मिया डे, माम्‍चु़नीलाम-जेपामिमगोडाम कोले डे र्‍वामी।”

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

यूहन्‍ना 16:14

गुमीका आमा यु़म झ्‍वामी, हेङालोने गो हाम र्‍वाङु, गुमीका रमिमा मेराम गानीनुङ सो़मी।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

थु़र्मा 19:2

गुका मेर्मिमनुङ हिलाबु़डु़, “गानी थो़र लु़न्‍निमा माम्‍चु़नी-पेल इनीमाडा योम्‍डी?” मेर्मिमका र्‍वाम्‍डी, “माम्‍चु़नी-पेल बुमी र्‍वाक्‍पा ने गुकु थो़त्तोकोम वो मिबु।”