यूहन्‍ना 7:37 - थुलुङ राई

³⁷ चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

यूहन्‍ना 7:37 Referans Kwoze

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

यूहन्‍ना 6:55

हेङालोने आमा मिरो़म नुङ आमा सिसि आच्‍छाङाकाम पोमुडुमु सो़।

मत्ती 11:28

“ए लिपा ल्वा कुर्पा नुङ इनी खारीडाम घ्रु़म्‍पा मु़चु़नी, आमाडा रोक्‍नी। गो गानीलाई ङेम्‍सिमु ग्‍वानिनी।

१ कोरिन्थी 10:21

गानी ङाचो़कु कान्‍चु़रे नुङ मुनाङकु कान्‍चु़रे निफिलामका डुमु मेचाम्‍नी। गानी ङाचो़कु पेखोप नुङ मुनाङकु पेखोप निफिलामका पोमु मेचाम्‍नी।

१ कोरिन्थी 10:4

मा खोत्‍लेका माम्‍चु़नीका ग्‍वाम्‍डिम त्‍वारो़मकु कु डुम्‍डी, हेङालोने मेर्मिमनुङ कोयो-कोयो लक्‍पा पाह्रीलाममिम भ्‍र्‍वालामका पुट्‌पा कु मेर्मिमका डुम्‍डी। मेराम भ्‍र्‍वा ने ख्रीष्‍ट बाम्‍डी।

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

१ कोरिन्थी 11:25

मेम्‍साकाङा पेम्‍डिमा गुमीका कान्‍चु़रे झेट्‌मिडी, मा र्‍वाम्‍डी, “ओराम कान्‍चु़रे आमा सिसिडाम लाले सो़रख्रेप्‍मा सो़। गानी हाम्‍सी ओराम डुनी, गोलाई मिम्‍मु आरे बेनी।”

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

यूहन्‍ना 1:23

यूहन्‍नाका र्‍वाक्‍ता, “माम्‍चु़नीलाम-जेपा यशैयाका ‘मिप्रङमाकु लाम्‍दी बनेबे’ र्‍वाक्‍ताम होङङा गो र्‍याङगो-र्‍याङगोडा येपाकु लो़लाम सो़।”

यूहन्‍ना 7:28

येशूका सो़रनेम गोनो सीट्‌मिडिलो डोक्‍पु लो़लामका र्‍वाम्‍डी, “गानी गोलाई छेङिनी, मा गो बालामका रोङडोम मेराम वो चनी। लावो गो आ त्‍वाकु नका योङडोम मेएँ, उहेमका गोलाई थु़र्ङिडिमी गुमी आच्‍छाङाकाम बुमी मा गानी गुमीलाई मेछेनी।

मत्ती 3:3

ओराम यूहन्‍नाकु दुथाम माम्‍चु़नीलाम-जेपा यशैयाका आरे र्‍वाक्‍ताम बाइडा: “र्‍याङगो-र्‍याङगोडा कोङनिम येत्तोङा लेडु़, ‘मिप्रङमाकु लाम्‍दी बनेबे, उनीमा लाम्‍दी जो़पा बेजो़ला’।”

मत्ती 5:6

माम्‍चु़नीकु जो़पा खारीकाम लागि क्रु़म-कोरा सिपामिम जिनुङमा सो़, हेङालोने माम्‍चु़नीका मेर्मिमकु गो तिम्‍सिबेट्‌मी।

यूहन्‍ना 4:11

मेराम मेसेमका गुमीनुङ र्‍वाक्‍ता, “ङाचो़, गानीनुङ कु वाम्‍खोप सोजाम वो मिबु, मा इनार वो हापा घ्‍लु़म्‍पा बु। बालामका गानी त्‍वारो़म ग्‍वाक्‍पा कु रेट्‌निवा?