यूहन्‍ना 7:35 - थुलुङ राई

³⁵ यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?

यूहन्‍ना 7:35 Referans Kwoze

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।

यूहन्‍ना 12:20

मेराम चङडा सो़रलोले बेप्‍डा लक्‍पामिमगोडाम कोङनिम ग्रीकमिम वो बाम्‍डी।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 21:21

मेर्मिमका इनीमा दुथाम कोङनिम ल्‍वा थो़म्डिम बु, मेराम ल्‍वा ‘वाङसामामिमकु थेतेडा बाट्‌पा यहूदीमिमलाई गानी मोशाकु डु़म्‍ला ङेट्‌नी, इनीमा चो़च्‍चो़मिमकाम खिरिरि मेक्रिम्‍साट्‌नी, मा बेप-पापका बेम्‍खेम्‍डिम डु़म्‍ला होम्‍साका मेबेनी’ र्‍वाक्‍साका सीट्‌निम बु ए।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

यूहन्‍ना 8:22

यहूदीमिमका र्‍वाबेम्‍डी, “ओरामका हाम उ त्‍वापङा सेन्‍सिमिम? गो बान्‍ते लङु, मेसिन्‍डा गानी रोमु मेचाम्‍नी र्‍वाक्‍साका मेम र्‍वाक्‍ताम मेएँ?”

लूका 2:32

वाङसामामिम सेल्‍सिक्‍पा लाम्‍दी रेम्‍बेट्‌पा ओल नुङ इनी त्‍वाकु सामा इस्राएलीमिमकु यु़म-झ्‍वाक्‍पा ओल मेराम दु़म्‍बेट्‌निम बु।”

मत्ती 12:21

खोत्‍ले सामा मु़चु़का उमा नङडा सेल्‍सिमु लम्‍थाप्‍मी।”

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 17:4

मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।