यूहन्‍ना 7:30 - थुलुङ राई

³⁰ मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 7:30 Referans Kwoze

यूहन्‍ना 10:39

मेर्मिमका आथावो गुमीलाई चु़म्‍मु माल्‍मिडी, लावो गुमी मेर्मिमलामका स्‍वाम्‍डी।

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।

यूहन्‍ना 7:6

येशूका मेर्मिमलाई र्‍वाम्‍डी, “आमा लागि जो़पा थारी आथावो रोक्‍ताम मिबु, इनीमा लागि ने उहेम थारी लोवो जो़पाङा बु।

यूहन्‍ना 7:32

सेर्पा मु़चु़का सु़पील्‍वाका ओराम ल्‍वा जेम्‍डिम बाम्‍डिम फरिसीमिमका थो़म्‍डी। मेम्‍मा फरिसी नुङ ङाउ डु़म्‍लाचो़मिमका येशूलाई चु़म्‍मु लागि सो़रनेम लपा मु़चु़मिमलाई थु़र्मिडी।

यूहन्‍ना 11:57

लावो कोङनिमका डार्मिडी माला सो़मिनु़। मेम्‍मा गुकु गुलाई चु़म्‍कु र्‍वाक्‍साका ङाउ डु़म्‍लाचो़मिम नुङ फरिसीमिमका र्‍वाम्‍डिम बाइडा।

यूहन्‍ना 9:4

गोलाई थु़र्पाकु खारीमिम नेप्‍सुङ बुलोङा गुइ बोमु बासी। सिन्‍था दु़म्‍मा सु़का वो खारी बोमु मेचाप्‍सु़।

यूहन्‍ना 8:59

मेम्‍मिमका मेर्मिमका येशूलाई लुङका ओम्‍मु लागि लुङ डो़म्‍डी, लावो गुमी थसिक्‍साका सो़रनेमलामका पाखा लुम्‍डी।

यूहन्‍ना 8:37

गानी अब्राहामकु चो़-चु़सु़ र्‍वाक्‍साका गो चक्‍पु। लावो गानी गोलाई सेन्‍मु माल्‍तोङा लेन्‍ङिनी, हेङालोने इनीमा न-गोडा आमा सिजेमकु बाखोप मिबु।

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

यूहन्‍ना 7:8

गानी ओराम चाड मानेबेप्‍डा लक्‍नी। गो ने ओराम चाडडा मेलङु, हेङालोने आमा थारी आथावो रोक्‍ताम मिबु।”

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।

यूहन्‍ना 10:31

यहूदीमिमका येशूलाई आथावो लुङका ओमु लुङ डो़म्‍डी।

मत्ती 12:14

फरिसीमिम मेलामका लम्‍डिमा हेसाका येशूलाई सेट्‌पा, मेराम ल्‍वा बोमु चो़म्‍मिडी।