यूहन्‍ना 7:28 - थुलुङ राई

²⁸ येशूका सो़रनेम गोनो सीट्‌मिडिलो डोक्‍पु लो़लामका र्‍वाम्‍डी, “गानी गोलाई छेङिनी, मा गो बालामका रोङडोम मेराम वो चनी। लावो गो आ त्‍वाकु नका योङडोम मेएँ, उहेमका गोलाई थु़र्ङिडिमी गुमी आच्‍छाङाकाम बुमी मा गानी गुमीलाई मेछेनी।

यूहन्‍ना 7:28 Referans Kwoze

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

यूहन्‍ना 8:26

इनीमा दुथाम सो़मु नुङ निया बोमु बासिक्‍पा हापा ल्‍वामिम गोनुङ बु। लावो गोलाई थु़र्पा ने आच्‍छाङाकाम बुमी, मा गुमीलाम गो हाम थो़उ, मेराम ल्‍वा सु़म्‍दिसेरडाम मु़चु़मिमलाई थो़बेट्‌पुमी।”

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

२ कोरिन्‍थी 1:18

माम्‍चु़नी थो़रलु़इमिम बुमी। मेम्‍साकाङा आकीमा सिजेम वो याङलो “आच्‍छाङा” नुङ याङलो “मेएँ” दु़स्‍ताम मिबु।

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

थु़र्मा 17:23

ओराम शहरडा खिर्सिङडोलो इनीमा नो़पखोममिम वो रेप्‍तो। कोङ सासेन्‍खोप खोमडा ‘उ नङ मेचमा नो़पकाम लागि’ र्‍वाक्‍साका र्‍याक्‍मा बाइडा। गानी मेछेसाका ङा सेव साट्‌निम मेराम नो़पकु दुथाम ओम्‍लो गो सो़त्तोङा बेउ।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 14:31

लावो पापलाई गो रिखाम बेउ, मा पापका हाम बेबेन्‍ङिमी मेरामङा गो बेउ र्‍वाक्‍पा सु़म्‍दिसेरडाम मु़चु़मिमका चमिनु़। दो, ओलामका लक्‍सी।”

यूहन्‍ना 14:10

“गो पापगोडा बुङु मा पाप आमागोडा बुमी र्‍वाक्‍पा हाम गाना थो़र मेलु़ना? गो गानीलाई र्‍वाङुमिम ल्‍वा आमा त्‍वाकु नका र्‍वाङुमिम मेएँ, आमागोडा बाट्‌पा पापका र्‍वाबेन्‍ङिमिम, मा गुमीका उनी खारी बेत्तोङा लेन्‍मी।

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

यूहन्‍ना 8:16

गो निया बेउतो माला जो़होमका निया बेउ, हेङालोने गो आमा त्‍वाका कोङङा मेराम मेबेउ। गोलाई थु़र्पा पाप गोनुङ बुमी।

यूहन्‍ना 5:32

आमा दुथाम सो़पा पाप बुमी, गुमीका सो़मिमिम आमा दुथाममिम खोत्‍ले ल्‍वा आच्‍छाङा दु़म र्‍वाक्‍पा गो चक्‍पु।

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 1:46

नथानेलका गुनुङ र्‍वाक्‍ता, “हाम नासरतलाम कोङनिम जो़पा ल्‍वा रोमु चाप्‍सु़ मा?” फिलिपका र्‍वाक्‍ता, “बिकामा रेप्‍डा।”

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

लूका 2:51

मेकोतिमा गुमी उनी माम-पापनुङ उनी नेम बाट्‌पा नासरत शहरथो़ ख्‍लोसिम्‍डी, मा उनीमा माम-पापका र्‍वाक्‍चिम होम्‍साका बेम्‍डी। उनीमा मामका हा-हाम दु़स्‍ताम मेर्मिम खोत्‍ले ल्‍वा उमा नडा जु़ल्‍थाड्‌डु़।

लूका 2:39

मेर्चिपका मिप्रङमाकु डु़म्‍ला होम्‍साका खोत्‍ले खारी बोमु दु़म्‍ची। मेकोतिमा मेर्चिप उची चो़ येशूनुङ गालीलडाम नासरत शहरडा बाट्‌पा उची नेमडा ख्‍लोसिक्‍ची।

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

लूका 2:4

योसेफ दाऊदकु चो़-चु़सु़लाममिम बाइडा। मेम्‍मिमका गु गालीलडाम नासरत देललामका गेले यहूदियाकु बेथलेहेमडा लस्‍ता। मेसिन्‍डा माके दाऊद हपकु नेम बाइडा।

मत्ती 2:23

मा नासरत र्‍वाक्‍मा देलडा बाइडा। माम्‍चु़नीलाम-जेपामिमका आरेसाका र्‍वाम्‍डिम रोक्‍थिड्‌डा: “गुमीलाई नासरी र्‍वामी।”

यूहन्‍ना 7:14

चाडकु थेते बानो येशू सो़रनेम गोडा लम्‍डिमा सीमु चो़म्‍मिडी।

मत्ती 26:55

मे सेर्पा मु़चु़लाई येशूका र्‍वाम्‍डी, “हाम गो कोर्थो़लाम बक्‍पा ङिमलु़पा मु़चु़ मा! कातु़रु़मिम नुङ डु़लु़म्‍चो़मिम रेसाका गोलाई चु़म्‍डा रोक्‍निम? गानी गोलाई हेङा सो़रनेमगोडा मेचु़म्‍ङिनिवा? सीत्तो हेल्‍लो लोवो गो मेसिन्‍डाङा बाङडोम बाइडा।

यूहन्‍ना 6:42

मेर्मिमका र्‍वाम्‍डी, “हाम ओराम योसेफकु तारापाचो़ येशू मेएँ? ओरामकु माम नुङ पाप गुइ मेछेडी? हेसाका ओरामका ‘गो पाह्रीलाम योङडोम’ र्‍वामु चाप्‍सु़?”

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”