यूहन्‍ना 7:27 - थुलुङ राई

²⁷ लावो ओराम मु़चु़ बालामका रोक्‍ताम मेराम गुइ च। ख्रीष्‍ट रोमिलो ने गुमी बालामका रोम्‍डिम मेराम सु़कावो मेच।”

यूहन्‍ना 7:27 Referans Kwoze

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

यूहन्‍ना 6:42

मेर्मिमका र्‍वाम्‍डी, “हाम ओराम योसेफकु तारापाचो़ येशू मेएँ? ओरामकु माम नुङ पाप गुइ मेछेडी? हेसाका ओरामका ‘गो पाह्रीलाम योङडोम’ र्‍वामु चाप्‍सु़?”

मर्कूस 6:3

ओराम ने मे मरियमकु चो़ याकूब, योसेफ, यहूदा, नुङ सिमोनमिमकु वा, मे सङ बनेबेपाङा मेएँ मा? ओरामकु रिचो़मिम गुइनुङ ङा बुमिम मेएँ?” र्‍वाम्‍डिमा गुमीलाई नाप्‍छु़ट्‌मिडी।

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”

थु़र्मा 8:33

गुमीलाई छो़म नाप्‍छु़ट्‌मिडिलो उनीमा लागि जो़पा निया वो मेदु़प्‍सावा। आथा ने उनी चो़-चु़सु़कु दुथाम सु़का सो़यु़ मा? हेङालोने मेर्मिमका सुबुडा उनीमा साम फ्‍याम्‍साम्‍डी।”

यूहन्‍ना 7:15

यहूदीमिमका ङाङाया दु़म्‍मिडिमा आरे र्‍वाम्‍डी, “हाम वो मेसीसिसाका हेसाका ओराम आकोम छो़म थेट्‌पा दु़स्‍ता?”