यूहन्‍ना 7:19 - थुलुङ राई

¹⁹ हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

यूहन्‍ना 7:19 Referans Kwoze

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

यूहन्‍ना 11:53

मेम्‍मा मेनेम आथाम मेर्मिमका येशूलाई सेट्‌पा मुलु़ बोमु चो़म्‍मिडी।

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

मत्ती 12:14

फरिसीमिम मेलामका लम्‍डिमा हेसाका येशूलाई सेट्‌पा, मेराम ल्‍वा बोमु चो़म्‍मिडी।

गलाती 6:13

कोक्‍ते खिरिरि क्रिपामिम उनी त्‍वाप वो मोशाकु डु़म्‍ला होम्‍साका मेदोमी। लावो मेर्मिमका इनीमा मिरो़मकु दुथाम डोक्‍पु लिसिमु लागि गानीलाई कोक्‍ते खिरिरि क्रिम्‍बेनिमी।

गलाती 3:19

मेम माला डु़म्‍ला हेङा चाहे दु़स्‍ता मा? मु़चु़मिमका मेजो़पा खारी बोमी र्‍वाक्‍पा ल्‍वा रेम्‍बोमु लागि माम्‍चु़नीका अब्राहामनुङ याचे जेम्‍डिम मेराम चो़-चु़सु़ मेयोक्‍थु़मसम्‍म डु़म्‍ला मु़चु़मिमगोडा थु़र्मिडी। मेराम डु़म्‍ला ने माम्‍चु़नीका पाह्रीचो़मिमलाम मु़चु़मिम नुङ माम्‍चु़नीकु थेतेडा दु़म्‍पा मोशालाई ग्‍वाम्‍डिम बाइडा।

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

यूहन्‍ना 10:39

मेर्मिमका आथावो गुमीलाई चु़म्‍मु माल्‍मिडी, लावो गुमी मेर्मिमलामका स्‍वाम्‍डी।

यूहन्‍ना 7:25

यरूशलेमडाम कोङनिम मु़चु़का आरे र्‍वाबोमु चो़म्‍मिडी, “डोक्‍पु मु़चु़मिमका सेन्‍मु माल्‍मिमिम ओराम मु़चु़ङा मेडे?

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

यूहन्‍ना 5:18

मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।

यूहन्‍ना 5:16

येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

मर्कूस 3:6

मेकोतिमा फरिसीमिम मेलामका लम्‍डी, मा येशूलाई हेसाका सेन्‍मु र्‍वाक्‍साका हेरोदीमिमनुङ मुलु़ बोमु चो़म्‍ल्‍याम्‍डी।

मर्कूस 3:4

मेम्‍मा गुमीका मेर्मिमलाई र्‍वाम्‍डी, “ङेम्‍सिमुनेम हाम बिइलो नु़, जो़पा डे मेजो़पा, नु़बेन्‍मु डे सेन्‍मु?” लावो मेर्मिम वाय-वाय बाम्‍डी।

मत्ती 21:38

“लावो बोम्‍था बेपा मु़चु़मिमका मे उमा तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, ‘ये-द डार्पा मु़चु़ होनोङङा। रोक्‍नी, मेरामलाई सेडी, मा मेरामका डार्पा ये-द इकीमा ल्‍वाड्‌डा बिइ।’

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।