यूहन्‍ना 7:18 - थुलुङ राई

¹⁸ उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

यूहन्‍ना 7:18 Referans Kwoze

यूहन्‍ना 5:41

“गानी आमा नङ कोनिमिम गोलाई मेबासी।

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

यूहन्‍ना 12:28

ए पाआ, गानी हाङकोम यु़म-झ्‍वासिक्‍पा बुनी र्‍वाक्‍पा रेम्‍बेनी।” मेकोतिमा पाह्रीलामका कोले लो़लामका र्‍वाक्‍ता, “गो ओराम यु़म-झ्‍वाक्‍तोम बु, मा आथावो ओराम यु़म-झ्‍वाक्‍पु।”

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

मत्ती 6:9

गानी ने आरेसाका सो़म्‍दी बेनी: ‘पाह्रीला बाट्‍पा आकीमा पाप, इनीमा सेपा नङ कोसिनु़,

यूहन्‍ना 11:4

ओराम ल्‍वा थो़म्‍डिमा येशूका र्‍वाम्‍डी, “ओराम नो़सी सिमुलामडा रेथिक्‍पा मेएँ। ओराम ने माम्‍चु़नीकु यु़म झ्‍वाम्‍सिमुकाम लागि सो़, मेम्‍साका ओरामलामका माम्‍चु़नीकु तारापाचो़काम यु़म झ्‍वासी।”

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

यूहन्‍ना 12:43

हेङालोने माम्‍चु़नीका डोक्‍पु बोमिमिमडाम ने मु़चु़मिमका डोक्‍पु बोमिमिम मेर्मिमका हापा द्‌वाम्‍थाल्‍मिडी।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।