यूहन्‍ना 7:14 - थुलुङ राई

¹⁴ चाडकु थेते बानो येशू सो़रनेम गोडा लम्‍डिमा सीमु चो़म्‍मिडी।

यूहन्‍ना 7:14 Referans Kwoze

यूहन्‍ना 7:28

येशूका सो़रनेम गोनो सीट्‌मिडिलो डोक्‍पु लो़लामका र्‍वाम्‍डी, “गानी गोलाई छेङिनी, मा गो बालामका रोङडोम मेराम वो चनी। लावो गो आ त्‍वाकु नका योङडोम मेएँ, उहेमका गोलाई थु़र्ङिडिमी गुमी आच्‍छाङाकाम बुमी मा गानी गुमीलाई मेछेनी।

लूका 19:47

मेकोतिमा येशूका हेल्‍लो लोवो सो़रनेमगोडा सीन्‍थाल्‍मिडी। लावो ङाउ डु़म्‍लाचो़मिम, यहूदीकु डु़म्‍ला सीपा पातु़म्‍रीमिम मा यहूदीकु ङाउमिमका गुमीलाई सेन्‍मु माल्‍थाल्‍मिडी।

यूहन्‍ना 18:20

येशूका र्‍वाम्‍डी, “सु़म्‍दिसेरडा खोत्‍लेकु ङादोडा गो जेङडोम बु। यहूदीमिम खोम्‍सिमिमिम घ्रो़म्‍दीनेममिम नुङ सो़रनेमबाडे गो हेल्‍लो लोवो सीत्तोमी। थसिक्‍साका गो हाम वो र्‍वाङडोम मिबु।

यूहन्‍ना 8:2

उ दिकाम नेम सोसोका गुमी सो़रनेमडा लम्‍डी, खोत्‍ले मु़चु़ उनीमाडा खोम्‍सिम्‍डी। मेम्‍मा गुमी गन्‍मिडिमा मेर्मिमलाई सीमु चो़म्‍मिडी।

यूहन्‍ना 7:37

चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

यूहन्‍ना 7:2

लावो गोठाडा बाखोप यहूदीमिमकु चाड रोक्‍फाड्‌डाम बाइडा,

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

मत्ती 26:55

मे सेर्पा मु़चु़लाई येशूका र्‍वाम्‍डी, “हाम गो कोर्थो़लाम बक्‍पा ङिमलु़पा मु़चु़ मा! कातु़रु़मिम नुङ डु़लु़म्‍चो़मिम रेसाका गोलाई चु़म्‍डा रोक्‍निम? गानी गोलाई हेङा सो़रनेमगोडा मेचु़म्‍ङिनिवा? सीत्तो हेल्‍लो लोवो गो मेसिन्‍डाङा बाङडोम बाइडा।

मत्ती 21:12

येशू माम्‍चु़नीकु सो़रनेमगोडा हुम्‍डी। मेकोतिमा भ्रेपा-भ्रेट्‌पामिम खोत्‍लेलाई गुमीका खान्‍सोम्‍डी। मेम्‍मा खउलुङ फाट्‌पामिमकु टेबलमिम नुङ तुकतुकुरमिम भ्रेट्‌पामिमकु गन्‍खोपमिम चार्सोम्‍डी।

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।