यूहन्‍ना 7:12 - थुलुङ राई

¹² सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

यूहन्‍ना 7:12 Referans Kwoze

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 7:47

फरिसीमिमका मेर्मिमलाई नालेडात्तो र्‍वाम्‍डी, “गानी वो ताङताहेरथो़ लक्‍नी डे हाम ने?

यूहन्‍ना 7:32

सेर्पा मु़चु़का सु़पील्‍वाका ओराम ल्‍वा जेम्‍डिम बाम्‍डिम फरिसीमिमका थो़म्‍डी। मेम्‍मा फरिसी नुङ ङाउ डु़म्‍लाचो़मिमका येशूलाई चु़म्‍मु लागि सो़रनेम लपा मु़चु़मिमलाई थु़र्मिडी।

फिलिप्‍पी 2:14

सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

रोमी 5:7

जो़पा न-गोकाम लागि सिप्‍डा लक्‍पा कोङनिम मु़चु़ डार्मु वो झाम। जो़पा मु़चु़ सिमु बासिक्‍पा खोमडा कोङमी सिमु माल्‍पा मु़चु़ डार्मु ने हापाङा छो़।

थु़र्मा 11:24

बारनाबास कोङ जो़पा मु़चु़ बाइडा। गु माम्‍चु़नी-पेलका लु़न्‍सिट्‌पा नुङ डोक्‍पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्‍चु़नीडा रेड्‌डु़मी।

यूहन्‍ना 7:52

मेर्मिमका गुलाई र्‍वाम्‍डी, “हाम गाना वो गालील क्षेत्रडामङा? माम्‍चु़नीकु सिजेमडा रेप्‍डा, मा माम्‍चु़नीलाम-जेपा मु़चु़ गालीलामका मेरो र्‍वाक्‍पा गाना डार्ना।”

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

लूका 23:50

योसेफ नङकाम कोले मु़चु़ बाइडा। गु माम्‍चु़नीकु न-गो होप्‍माम मा जो़पा मु़चु़ बाइडा। गु यहूदीमिमकु डोक्‍पु घ्रो़म्‍दीडाम कोले मु़चु़ बाइडा।

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

लूका 18:19

येशूका मे ङाउलाई र्‍वाम्‍डी, “गाना हेङा गोलाई जो़पा र्‍वानामिम? माम्‍चु़नीडाम वाङमिम सु़ वो जो़पा मेबुमी।

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

लूका 6:45

जो़पा मु़चु़का उ न-गोडा जु़ल्‍थाडु़मिमलाम जो़पा ल्‍वा जे। मेजो़पा मु़चु़का उ न-गोडा जु़ल्‍थाडु़मिम मेजो़पा ल्‍वा जे। हेङालोने हेप्‍माम ल्‍वा उ न-गोडा कुर्थाडु़मिम बु, मेराम मु़चु़का मे ङा जे।

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।