यूहन्‍ना 7:1 - थुलुङ राई

¹ ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

यूहन्‍ना 7:1 Referans Kwoze

यूहन्‍ना 4:3

येशूका ओराम ल्‍वा चम्‍डिमा गुमी यहूदिया क्षेत्रलामका गालील क्षेत्रथो़ ख्‍लोम्‍सिम्‍डी।

मत्ती 21:38

“लावो बोम्‍था बेपा मु़चु़मिमका मे उमा तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, ‘ये-द डार्पा मु़चु़ होनोङङा। रोक्‍नी, मेरामलाई सेडी, मा मेरामका डार्पा ये-द इकीमा ल्‍वाड्‌डा बिइ।’

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

मत्ती 10:23

मु़चु़मिमका गानीलाई कोले शहरडा दु़खा ग्‍वानिलो कोङमी शहरडा स्‍वानी। हेङालोने आच्‍छाङा गो गानीलाई र्‍वाङु, मिनीचो़ मेयोक्‍थु़मसम्‍म इस्राएलडाम खोत्‍ले शहरडा खारी बोमु मेयु़न्‍सोनी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 4:54

यहूदिया क्षेत्रलामका गालील क्षेत्रडा रोम्‍डिमा येशूका बेम्‍डिम ओराम ननोम उनी छेखोप बाइडा।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 8:40

मेम मेबेसाका, गानी गोलाई सेन्‍मु माल्‍तोङा बोङिनी, हेङालोने माम्‍चु़नीलाम थो़उतोम आच्‍छाङाकाम ल्‍वा गो गानीनुङ सो़उतो। अब्राहामका ने हेल्‍लो वो आरे मेबु़वा।

यूहन्‍ना 8:37

गानी अब्राहामकु चो़-चु़सु़ र्‍वाक्‍साका गो चक्‍पु। लावो गानी गोलाई सेन्‍मु माल्‍तोङा लेन्‍ङिनी, हेङालोने इनीमा न-गोडा आमा सिजेमकु बाखोप मिबु।

यूहन्‍ना 7:25

यरूशलेमडाम कोङनिम मु़चु़का आरे र्‍वाबोमु चो़म्‍मिडी, “डोक्‍पु मु़चु़मिमका सेन्‍मु माल्‍मिमिम ओराम मु़चु़ङा मेडे?

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।

यूहन्‍ना 7:11

मे चाडडा यहूदीमिमका गुमीलाई माल्‍तो “मेराम मु़चु़ बान्‍ते बु?” र्‍वाक्‍तो हिलाबेबेम्‍डी।

यूहन्‍ना 7:13

लावो यहूदीमिमकु ङिमका सु़का वो उनीमा दुथाम खोत्‍लेकु ङादोडा हाम वो मेर्‍वाम्‍वा।

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?