यूहन्‍ना 6:68 - थुलुङ राई

⁶⁸ सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

यूहन्‍ना 6:68 Referans Kwoze

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

थु़र्मा 5:20

“लक्‍निमा सो़रनेमडा लाले त्‍वारो़मकु दुथाममिम खोत्‍ले ल्‍वा मु़चु़मिमलाई थो़बेट्‌निमी।”

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

मर्कूस 8:29

मेकोतिमा गुमीका मेर्मिमनुङ हिलाबेम्‍डी, “मा गानी ने गोलाई सु़ र्‍वानी?” पत्रुसका र्‍वाक्‍ता, “गानीङा ख्रीष्‍ट।”

लूका 9:20

मेम्‍मा गुमीका मेर्मिमलाई हिलाबेम्‍डी, “मा गानी गोलाई सु़ र्‍वानी?” पत्रुसका र्‍वाक्‍ता, “गानी माम्‍चु़नीका थु़र्निमिम ख्रीष्‍ट सो़।”

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 12:50

गुमीका बेबेसामिमिम ल्‍वाका मेसिपा त्‍वारो़म ग्‍वाक्‍सा र्‍वाक्‍पा गो चक्‍पु। मेम्‍मिमका गो हाम र्‍वाङु, मेराम पापका र्‍वाबेट्‌ङिडिमिम ल्‍वा सो़।”

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 8:37

[फिलिपका मेरामनुङ र्‍वाक्‍ता, “इनी न-गोलामका ङा थो़रलु़नी माला गानी कु-रु़दु़म रमु चाम्‍नी।” मेरामका र्‍वाक्‍ता, “आच्‍छाङा येशू ख्रीष्‍ट ङा माम्‍चु़नीकु चो़ र्‍वाक्‍साका गो थो़र बेउ।”]