यूहन्‍ना 6:57 - थुलुङ राई

⁵⁷ त्‍वारो़म ग्‍वाक्‍पा पापका गोलाई थुर्ङिडिमिमा नु़बेट्‌ङिडिमिम होम्‍साकाङा आमा मिरो़म पेपा मु़चु़लाई वो गो नु़बेट्‌पु।

यूहन्‍ना 6:57 Referans Kwoze

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

१ यूहन्‍ना 4:9

माम्‍चु़नीका गुइगोडा आरेसाका उनीमा रिखाम रेम्बेम्‍डी: येशूलाम गुइ नु़मु चाप्‍सिनु़ र्‍वाक्‍साका कोले कोङङा बाट्‌पा उनीमा तारापाचो़ गुमीका सु़म्‍दिसेरडा थु़र्मिडी।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।

१ कोरिन्थी 15:22

हेङालोने आदमनुङ हेमकेम बाट्‍पा खोत्‍ले मु़चु़मिम सिमी, मेम्‍साकाङा ख्रीष्‍टनुङ हेमकेम बाट्‍पा खोत्‍ले मु़चु़का लाले त्‍वारो़म ल्‍वामी।

यूहन्‍ना 14:19

घरिकोङडाम्‍मा सु़म्‍दिसेरडाम मु़चु़मिमका गोलाई मेल्‍वाङिमी, लावो गानी ने गोलाई ल्‍वाङिनी। गो नु़ङुमिमका गानी वो नु़नी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

यूहन्‍ना 6:29

येशूका मेर्मिमलाई र्‍वाम्‍डी, “माम्‍चु़नीका न बोमिमिम गानी बोमु बासिक्‍पा खारी ओरामङा सो़: ‘उहेमलाई गुमीका थु़र्मीडिम बु मेरामडला थो़रबेनी’।”

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।