यूहन्‍ना 6:53 - थुलुङ राई

⁵³ येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, मिनीचो़कु मिरो़म गानी मेपेथु़म नुङ उमा सिसि मेडुथु़मसम्‍म गानीनुङ त्‍वारो़म मेदु़म।

यूहन्‍ना 6:53 Referans Kwoze

१ यूहन्‍ना 5:12

उहेम मु़चु़नुङ तारापाचो़ बुमी मेराम मु़चु़डा त्‍वारो़म बु, मा उहेम मु़चु़नुङ माम्‍चु़नीकु तारापाचो़ मेबुमी मेराम मु़चु़डा त्‍वारो़म मिबु।

यूहन्‍ना 6:55

हेङालोने आमा मिरो़म नुङ आमा सिसि आच्‍छाङाकाम पोमुडुमु सो़।

यूहन्‍ना 15:4

आमा गोगोडा दु़म्‍नी, मा गो गुमीडा दु़म्‍ङु। अङ्‍गूरकु ग्रेममिम उ रो़लडा मेदु़प्‍सावा माला मा सिन्‍मु मेचाप्‍सु़। मेम्‍साकाङा आमाडा मेदु़म्‍निवा माला गानी वो मा सिन्‍बेन्‍मु मेचाम्‍नी।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

मत्ती 18:3

मा र्‍वाम्‍डी, “आच्‍छाङा गो गानीनुङ र्‍वाङु, इनी छु़ललामका ख्‍लोसिसाका याक्‍के चो़च्‍चो़मिम होप्‍माम मेदु़म्‍निवा माला पाह्री-किब्‍दीडा हेल्‍लो वो हुमु मेल्‍वानी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

लूका 13:5

मेम ने मेएँ सो़, गो गानीलाई आथावो र्‍वाङु, इनी छु़लमिम न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो मेम्साका ङा पुयु़लुनी सो़।”

लूका 13:3

गो गानीलाई र्‍वाङु, मेम ने मेएँ सो़, इनी छु़लमिम इनी न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो खोत्‍ले मेम्‍साकाङा पुयु़लुनी।

यूहन्‍ना 13:8

पत्रुसका र्‍वाक्‍ता, “गानी आमा खेल सो़ल्‍मु हेल्‍लो वो मेनु़।” येशूका र्‍वाम्‍डी, “गो इमा खेल मेसो़लुवा माला गाना आमा मेदु़म्‍ना।”

मत्ती 5:18

आच्‍छाङा गो गानीलाई र्‍वाङु, सुबु नुङ धामु मेदाममिमसम्‍म माम्‍चु़नीकु डु़म्‍लागोडाम कोले वो मेदाम। मेम्‍मा डु़म्‍लाका र्‍वाक्‍ताम खोत्‍ले ल्‍वा होङङा मेरोक्‍थिथु़मसम्‍म मेरामकाम कोले याक्‍के बिन्‍दु ङा लोवो मेराम मेदाम।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

यूहन्‍ना 6:62

मेम माला गानी आथावो मिनीचो़लाई पाह्रीथो़ कोसिट्‌पा ल्‍वान्‍नी माला हाम मिम्‍नी?