यूहन्‍ना 6:5 - थुलुङ राई

⁵ येशूका खोत्‍लेथो़ रेप्‍मिडिलो छो़म सेर्पा मु़चु़ गुमीथो़ बिक्‍तोङा बेपा ल्‍वाम्‍डी। मेम्‍मा फिलिपलाई र्‍वाम्‍डी, “ओर्मिमकाम लागि पोमु सो़बेम बालामका गुइ भ्रेइमिम?”

यूहन्‍ना 6:5 Referans Kwoze

मत्ती 15:33

उनी सीसिपामिमका गुमीनुङ र्‍वाम्‍डी, “आकोम सेर्पा मु़चु़लाई खोहोम सो़बेम पोमु ग्‍वामु सु़ वो मेबाट्‌पा ओराम खोमडा बालामका डार्मु मा?”

यूहन्‍ना 4:35

आरे र्‍वाक्‍मा गानी चनी ‘ख्‍लिइमिमकु ब्‍ल मुनामका मा-के हक्‍पा थारी रो।’ लावो गो र्‍वाङु, बक्‍निमा रेप्‍नी। ये-दडा मा-के थोक्‍ल्‍याड्‌डा, मा मा-के हमु थारी दु़स्‍ता।

यूहन्‍ना 1:43

उ दिकाम येशूका गालील क्षेत्रथो़ लक्‍पा मुलु़ बेम्‍डी। गुमीका फिलिपलाई डार्मिडिमा र्‍वाम्‍डी, “आमा चङचङ लाम्‍दिया।”

मर्कूस 6:32

मेकोतिमा येशू नुङ उनी सीसिपामिम मेल्‍वाहोमका उनी त्‍वाप कोङङा कुबी-बोक्‍साडा हुम्‍डिमा मेल्‍वाखोप्‍डा लम्‍डी।

लूका 9:10

थु़र्मामिमका जो़पा-सेला थो़बेट्‌मिडिमा ख्‍लोसिम्‍डिम चङडा मेर्मिमका बेम्‍डिम खोत्‍ले खारीकु दुथाम येशूनुङ सो़म्‍डी। येशू मेर्मिमनुङ कोयोङा बेथसेदा र्‍वाक्‍मा शहरडा लम्‍डी।

यूहन्‍ना 1:44

फिलिप वो अन्‍द्रियास नुङ पत्रुसकु देल बेथसेदाडामङा बाइडा।

यूहन्‍ना 1:45

फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

यूहन्‍ना 1:46

नथानेलका गुनुङ र्‍वाक्‍ता, “हाम नासरतलाम कोङनिम जो़पा ल्‍वा रोमु चाप्‍सु़ मा?” फिलिपका र्‍वाक्‍ता, “बिकामा रेप्‍डा।”

यूहन्‍ना 1:48

नथानेलका येशूनुङ हिलाबु़डु़, “गानी गोलाई हेसाका येट्‌ङिडिनी?” येशूका मेरामलाई र्‍वाम्‍डी, “फिलिपका गानालाई येन्‍मु ङादो बैससीकु धक्‍सा फारगोयु़ बान्‍नाम ल्‍वान्‍नी।”