यूहन्‍ना 6:44 - थुलुङ राई

⁴⁴ गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

यूहन्‍ना 6:44 Referans Kwoze

यूहन्‍ना 6:65

मेकोतिमा येशूका र्‍वाम्‍डी, “मेम्मिमका गो गानीलाई आरे र्‍वाङडोम बाइडा, ‘पापका कोङनिमलाई आमाडा मेरेथु़मसम्‍म सु़वो आमाडा रोमु मेचाप्‍सु़’।”

यूहन्‍ना 12:32

लावो गो सुबुलामका कोङसिङुमा खोत्‍ले मु़चु़लाई आमाडा रेट्‌पुमी।”

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

यूहन्‍ना 6:45

माम्चु़नीकु सिजेमडा आरेसाका र्‍याक्‍मा बु: ‘माम्‍चु़नीका मेर्मिम खोत्‍लेलाई सीमी’ उहेमका पापलामका थो़मी मा सीम्‍सिमी मेर्मिम आमाडा रोमी।

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

यूहन्‍ना 8:43

गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

मत्ती 12:34

लु-फेले बेपा ब्‍लो होप्‍माम मु़चु़नी, इनी त्‍वापङा मेजो़पा बुनी, मा हेसाका जो़पा ल्‍वा जेमु चाम्‍नी मा? हेङालोने हेप्‍माम ल्‍वा न-गोडा बु, मेरामङा सिका वो जे।

यूहन्‍ना 6:43

येशूका मेर्मिमलाई र्‍वाम्‍डी, “गानी इनी त्‍वाप-त्‍वाप गोडा सु़म्‍बुर्मा किन्‍मु डिट्‌नी।