यूहन्‍ना 6:41 - थुलुङ राई

⁴¹ यहूदीमिमका उनी कोर्थो़लाम सु़म्‍बुर्मा किन्‍मु चो़म्‍मिडी, हेङालोने गुमीका आरे र्‍वाम्‍डिम बाइडा, “पाह्रीलामका योक्‍पा सो़बेम गोङा सो़।”

यूहन्‍ना 6:41 Referans Kwoze

यूहन्‍ना 6:48

त्‍वारो़म ग्‍वाक्‍पा सो़बेम गो सो़।

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

यूहन्‍ना 6:66

मेम्‍लो आथाम उनीमा सीसिपामिम हापाका गुमीलाई ङेट्‌मिडी, मा गुमीनुङ लाम्‍दिमु डिट्‌मिडी।

यूहन्‍ना 6:60

येशूकु सीसिपामिम हापाका र्‍वाम्‍डी, “ओराम सीसि थेसिथेन्‍मु हापा मेझापा बु। सु़का ओराम थो़मु चाप्‍सु़?”

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।

यूहन्‍ना 6:58

इनीमा बेप-पापमिमका पेम्‍डिम होप्‍माम सो़बेम गो मेएँ। मेर्मिमका सो़बेम पेम्‍डी मावो सिम्‍डी। गो ने पाह्रीलामका योक्‍पा सो़बेम सो़, मा उहेमका ओराम सो़बेम पु़, मेराम मु़चु़ हेल्‍लो लोवो नु़होम बु।”

यूहन्‍ना 6:43

येशूका मेर्मिमलाई र्‍वाम्‍डी, “गानी इनी त्‍वाप-त्‍वाप गोडा सु़म्‍बुर्मा किन्‍मु डिट्‌नी।

लूका 19:7

मु़चु़मिमका ओराम ल्‍वाम्‍डिमा आरे र्‍वाक्‍तो सु़म्बुर्मा किन्‍मु चो़म्‍मिडी, “ओराम येशू ने छु़लचो़कु नेमडा बाप्‍डा लस्‍ता।”

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

१ कोरिन्थी 10:10

मेर्मिमगोडाम याङका बेम्‍डिम होङङा गुइ सु़म्‍बुर्मा किसिमेनु़। मेम बेम्डिमका ङा सेट्‌पा पाह्रीचो़का मेर्मिमलाई सेड्‌डु़मी।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।