यूहन्‍ना 6:40 - थुलुङ राई

⁴⁰ हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 6:40 Referans Kwoze

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

यूहन्‍ना 6:54

सु़का आमा मिरो़म पु़, मा आमा सिसि डुङु़, मेरामनुङ मेसिपा त्‍वारो़म दु़म, मा हुक्‍पा थारीनेम गो मेरामलाई नु़बेट्‌पु।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 14:19

घरिकोङडाम्‍मा सु़म्‍दिसेरडाम मु़चु़मिमका गोलाई मेल्‍वाङिमी, लावो गानी ने गोलाई ल्‍वाङिनी। गो नु़ङुमिमका गानी वो नु़नी।

यूहन्‍ना 12:45

मेराम मु़चु़का गोलाई रेम्‍ङीलो गोलाई थु़र्पा वो ल्‍वासु़।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

लूका 2:30

हेङालोने मु़चु़मिमलाई सेल्‍पा गानी थु़र्निम मु़चु़ गो ल्‍वाउतोम बु।

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

यहूदा 1:21

इनी त्‍वापलाईङा माम्‍चु़नी रिखामगोडा जु़ल्‍नी मा मेसिपा त्‍वारो़म ल्‍वामु इकीमा ङाचो़ ख्रीष्‍टकु न-थो़म लन्‍थाट्‌नी।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

यूहन्‍ना 12:50

गुमीका बेबेसामिमिम ल्‍वाका मेसिपा त्‍वारो़म ग्‍वाक्‍सा र्‍वाक्‍पा गो चक्‍पु। मेम्‍मिमका गो हाम र्‍वाङु, मेराम पापका र्‍वाबेट्‌ङिडिमिम ल्‍वा सो़।”

यूहन्‍ना 8:56

इनीमा बेब-पाप अब्राहामका गो योक्‍पा थारी रेम्‍मु छो़म गेर्सिक्‍पा बाइडा। गुका मेराम ल्‍वास्‍तु़, मा गेर्सिद्‌वाक्‍ता।”

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

हिब्रू 11:1

थो़र ने हाम-हुम ल्‍वापा न बिइमिम आच्‍छाङा दु़म र्‍वाक्‍पा नुङ मिक्‍सीका मेल्‍वासिमिम ल्‍वा दु़मङा र्‍वाक्‍पा सो़।

हिब्रू 11:27

थो़रकाङा गुका हपकु छोक्‍चोडाम मेङिसाका मिश्र नेब्‍दी डिड्‌डु़। गुका हाम वो मेर्‍वाक्‍साका इम्‍तो बाइडा, हेङालोने मिक्‍सीका ल्‍वामु मेझापा माम्‍चु़नीलाई गुका ल्‍वास्‍तु़म होप्‍माम बाइडा।

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

मत्ती 10:15

आच्‍छाङा गो गानीलाई र्‍वाङु, माम्‍चु़नीका निया बोमिमिमनेम सदोम नुङ गमोरा शहरडाम छु़ल बेपा मु़चु़मिमका ल्‍वापाडाम वो इम्‍मु मेझापा देन्‍दे मेराम शहरडाम मु़चु़मिमका ल्‍वामी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

यूहन्‍ना 6:39

गोलाई थु़र्पा माम्‍चु़नीकु न आरेप्‍माम बु, गुमीका गोलाई ग्‍वाङ्‌डिमिम मु़चु़मिमगोडाम कोलेलाई वो मेदाम्‍पुनु़, लावो हुक्‍पा थारीनेम नु़बेट्‌पुमिनु़।

यूहन्‍ना 6:44

गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

यूहन्‍ना 11:24

मार्थाका र्‍वाक्‍ता, “हुक्‍पा थारीका सिमुलाम मु़चु़मिम बम्‍गेमिमिम नेम गु बगे र्‍वाक्‍पा गो चक्‍पु।”