यूहन्‍ना 6:39 - थुलुङ राई

³⁹ गोलाई थु़र्पा माम्‍चु़नीकु न आरेप्‍माम बु, गुमीका गोलाई ग्‍वाङ्‌डिमिम मु़चु़मिमगोडाम कोलेलाई वो मेदाम्‍पुनु़, लावो हुक्‍पा थारीनेम नु़बेट्‌पुमिनु़।

यूहन्‍ना 6:39 Referans Kwoze

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 18:9

“गानी गोलाई ग्‍वाङडिनिमगोडाम कोलेलाई वो गो मेदाम्‍पुमिवा” र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम।

यूहन्‍ना 6:54

सु़का आमा मिरो़म पु़, मा आमा सिसि डुङु़, मेरामनुङ मेसिपा त्‍वारो़म दु़म, मा हुक्‍पा थारीनेम गो मेरामलाई नु़बेट्‌पु।

यूहन्‍ना 6:44

गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

मत्ती 18:14

मेम्साकाङा ओ याक्‍केमिमगोडाम कोलेङा वो मेदाम्‍मिनु़ र्‍वाक्‍पा पाह्रीलाम इनीमा पापकाम न बु।

१ पत्रुस 1:5

मेर्मिम हुक्‍पा थारीका सेल्‍सिमु मेरोक्‍थु़मसम्‍म इनी थो़रलामका माम्‍चु़नीकु यु़मका गानीलाई बोनी-थार्नी।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

यूहन्‍ना 5:28

“ओराम ल्‍वाडा ङाङाया मेदु़म्‍नी, हेङालोने थारी रोक्‍तोङा लेडु़। मेकोतिलो सु़लु़मगोयु़ बाट्‌पा खोत्‍लेका माम्‍चु़नीकु लो़लाम थो़मी,

मत्ती 10:15

आच्‍छाङा गो गानीलाई र्‍वाङु, माम्‍चु़नीका निया बोमिमिमनेम सदोम नुङ गमोरा शहरडाम छु़ल बेपा मु़चु़मिमका ल्‍वापाडाम वो इम्‍मु मेझापा देन्‍दे मेराम शहरडाम मु़चु़मिमका ल्‍वामी।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।

यूहन्‍ना 17:9

गो मेर्मिमकाम लागि सो़म्‍दी बेउ। सु़म्‍दिसेरकाम लागि गो सो़म्‍दी मेबेउ। लावो उहेम गोलाई ग्‍वाङ्‌डिनिम, मेर्मिमकाम लागि सो़म्‍दी बेउ, हेङालोने मेर्मिम इनीमाङा सो़।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

१ कोरिन्थी 6:14

माम्‍चु़नीका उनी यु़मका ङाचो़ येशूलाई सिमुलामका फम्‍डी, मा गुइलाई वो उनी यु़मका फक्‍सामी।

याकूब 5:15

माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।