यूहन्‍ना 6:32 - थुलुङ राई

³² येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, पाह्रीलामका गानीलाई सो़बेम ग्‍वाक्‍पा मोशा मेएँ, लावो पाह्रीलाम आच्‍छाङाम सो़बेम गानीलाई ग्‍वाक्‍पा आमा पाप सो़।

यूहन्‍ना 6:32 Referans Kwoze

यूहन्‍ना 15:1

“गो आच्‍छाङाकाम अङ्‍गूरकु रो़ल सो़, मा अङ्‍गूर रेपा आमा पाप बुमी।

यूहन्‍ना 6:58

इनीमा बेप-पापमिमका पेम्‍डिम होप्‍माम सो़बेम गो मेएँ। मेर्मिमका सो़बेम पेम्‍डी मावो सिम्‍डी। गो ने पाह्रीलामका योक्‍पा सो़बेम सो़, मा उहेमका ओराम सो़बेम पु़, मेराम मु़चु़ हेल्‍लो लोवो नु़होम बु।”

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

यूहन्‍ना 6:55

हेङालोने आमा मिरो़म नुङ आमा सिसि आच्‍छाङाकाम पोमुडुमु सो़।

यूहन्‍ना 6:50

पाह्रीलामका योक्‍पा सो़बेम ओराम सो़, उहेमका ओराम पु़ मेराम मेसि।

यूहन्‍ना 6:41

यहूदीमिमका उनी कोर्थो़लाम सु़म्‍बुर्मा किन्‍मु चो़म्‍मिडी, हेङालोने गुमीका आरे र्‍वाम्‍डिम बाइडा, “पाह्रीलामका योक्‍पा सो़बेम गोङा सो़।”

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

यूहन्‍ना 6:31

इकी बेब-पापमिमका र्‍याङगो-र्‍याङगोडा मन्‍न पेम्‍डी। माम्‍चु़नीकु सिजेमडा मेराम आरेसाका र्‍याक्‍मा बु, ‘गुमीका मेर्मिमलाई पाह्रीलामका सो़बेम पोमु ग्‍वाम्‍डी’।”