यूहन्‍ना 6:30 - थुलुङ राई

³⁰ मेर्मिमका गुमीनुङ र्‍वाम्‍डी, “गानी गुकुलाई हेप्‍माम यु़मखारी रेम्‍बोनी मा मेराम रेप्‍साका गुकु थो़रबोमु? गानी हाम बोमु चाम्‍नी?

यूहन्‍ना 6:30 Referans Kwoze

यूहन्‍ना 12:37

येशूका मे मु़चु़मिमकु ङादोडा हापा यु़म-खारीमिम बेम्‍डी, लावो मेर्मिमका गुमीडला थो़र मेबेमिवा।

१ कोरिन्थी 1:22

यहूदीमिमका यु़मखारीमिम रेम्‍मु माल्‍मी, मा ग्रीकमिमका नेप्‍ची माल्‍नी।

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

यूहन्‍ना 6:36

लावो गो गानीलाई र्‍वाङ्‍डोमङा बु, मा गोलाई ल्‍वाङ्‌डिनिम बु, मा आथावो गोडला थो़र मेबोनी।

यूहन्‍ना 2:18

यहूदीमिमकु डोक्‍पुमिमका ओराम ल्‍वा गुमीनुङ बिम्‍डी, “गाना हाम बोनामिम? ओराम खारी बोमु माम्‍चु़नीका साखाम ग्‍वानामिम बु माला हेल्‍लो वो मेल्‍वाम्‍मा छेखोपका मेराम आच्‍छाङा र्‍वाक्‍पा रेम्‍बेट्‌की।”

हिब्रू 2:4

माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

मर्कूस 15:32

ओराम आच्‍छाङा इस्राएलकु हप ख्रीष्‍ट ङा माला क्रूसलामका लुयोनु़। मेकोतिमा मेराम ल्‍वासाका गुइ थो़र लु़इ।” गुमीनुङ ङा क्रूसडा चेट्‌माचिपका वो मेम ङा र्‍वाक्‍चिमा गुमीलाई नानावोली बेच्‍चिमी।

मर्कूस 8:11

फरिसीमिम येशूकाडा रोम्‍डिमा गुमीनुङ हिलाहिसी बोमु चो़म्‍मिडी, मा उनीमा न छाम्‍मु लागि पाह्रीलाममिम कोङ छेखोप रेम्‍बेट्‌किनी र्‍वाम्‍डी।

यूहन्‍ना 4:8

मेकोतिलो उनी सीसिपामिम ने पोमु-डुमु भ्रेप्‍डा शहरथो़ लम्‍डिम बाइडा।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”