यूहन्‍ना 6:26 - थुलुङ राई

²⁶ येशूका मेर्मिमनुङ र्‍वाम्‍डी, “आच्‍छाङा गो गानीलाई र्‍वाङु, यु़मखारीमिम ल्‍वान्‍निमका मेएँ खोहोम सो़बेम पेन्‍निमका गोलाई माल्‍तोङा लेन्‍ङिनी।

यूहन्‍ना 6:26 Referans Kwoze

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

फिलिप्‍पी 2:21

वाङमिमका ने येशू ख्रीष्‍टका हाम न बोमी र्‍वाक्‍पा मेएँ, उनी त्‍वाकु नथो़ कोङङा न सोमी।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 6:24

मे सेर्पा मु़चु़का मेसिन्‍डा येशू वो मेल्‍वामिवा मा उनी सीसिपामिम वो मेल्‍वामिवामा कुबी-बोक्‍साडला हुसाका येशूलाई माल्‍तो कफर्नहुम शहरथो़ लम्‍डी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

यूहन्‍ना 6:64

लावो थो़रमेलु़पा कोङनिम गानीगोडा बुमी।” हेङालोने मेर्मिम गोडा सु़का थो़र मेलु़मी मा सु़का गुमीलाई भ्रेडु़ र्‍वाक्‍पा ल्‍वा ङादो आथामङा येशूका चम्‍डिम बाइडा।

यूहन्‍ना 6:53

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, मिनीचो़कु मिरो़म गानी मेपेथु़म नुङ उमा सिसि मेडुथु़मसम्‍म गानीनुङ त्‍वारो़म मेदु़म।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 6:30

मेर्मिमका गुमीनुङ र्‍वाम्‍डी, “गानी गुकुलाई हेप्‍माम यु़मखारी रेम्‍बोनी मा मेराम रेप्‍साका गुकु थो़रबोमु? गानी हाम बोमु चाम्‍नी?

यूहन्‍ना 6:15

मेर्मिमका गुमीलाई उनी हप दु़म्‍मु क्‍र्‍वामु माल्‍तोङा बोमी र्‍वाक्‍पा चम्‍डिमा येशू त्‍वापङा आथावो पोप्‍चङडला लम्‍डी।

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

यूहन्‍ना 6:36

लावो गो गानीलाई र्‍वाङ्‍डोमङा बु, मा गोलाई ल्‍वाङ्‌डिनिम बु, मा आथावो गोडला थो़र मेबोनी।