यूहन्‍ना 6:19 - थुलुङ राई

¹⁹ सीसिपामिम ङो, रु (५, ६) किलोमिटर कोति भाल लम्‍डिम चङडा मेर्मिमका येशूलाई दिरिदिनडभाल लाम्‍दित्तो कुबी-बोक्‍साथो़ बिक्‍तोङा बेपा ल्‍वाम्‍डी। मेम्‍मा मेर्मिम छो़म ङिम्‍डी।

यूहन्‍ना 6:19 Referans Kwoze

यूहन्‍ना 14:18

“गो गानीलाई रेचो़कुपा होङ्‍ङा मेपार्जो़ल्‍निनी। गो इनीमाडा योङु।

रेम्‍बेट्‌मिडिम ल्‍वा 21:16

मे शहरकु भाप्‍सी नुङ दु़सी कोहोप्‍माम बाइडा। पाह्रीचो़का डु़लु़म्‍चो़का मे शहर थो़प्‍डु़लो न-ब्‍ल सङ (२,४००) किलोमिटर बाइडा। शहरकु दु़सी, भाप्‍सी नुङ येप्‍सी कोहोप्‍माम बाइडा।

रेम्‍बेट्‌मिडिम ल्‍वा 14:20

शहरकु पाखालाम अङ्‍गूर देम्‍साका खाल्‍पा खोमडा मे अङ्‍गूरमिम खाल्‍सिम्‍डी, मा मे अङ्‍गूर खाल्‍पा खोमलामका सिसि हास्‍तामा लुक्‍ता। मे सिसि घोडाकु लगाम घ्‍लु़म्‍पा मा सु सङ किलोमिटर कोकोनोसम्‍म रोक्‍थिड्‌डाम बाइडा।

यूहन्‍ना 11:18

यरूशलेम शहरलामका बेथानिया देल सु किलोमिटर कोकोडा बाइडा।

लूका 24:13

मेनेमङा येशूकु उनी सीसिपामिमगोडाम नले सीसिपाचिप यरूशलेमलामका को-कोङ (११) किलोमिटर को-कोडा बेट्‌पा इम्‍माउस र्‍वाक्‍मा कोले देलथो़ लक्‍तोङा बेच्‍ची।

लूका 9:42

येशूकाडा मे स्‍वाला मु़चु़ बिक्‍तो-बिक्‍तोङा मुनाङपेलका क्‍वायु़ लेप्‍बोक्‍तु़, मेम्‍मा काकार्या बु़डु़। लावो येशूका मे मुनाङपेललाई भुर्मिडी, मेम्‍मा स्‍वाला मु़चु़लाई सबेट्‌मिडिमा उ पापलाई ग्‍वाम्‍डी।

यूहन्‍ना 6:18

छो़म डोक्‍पु ब्‍लोजु़ फुड्‌डु़, मा कुकु बाबारिम छो़म बक्‍ता,

यूहन्‍ना 6:20

लावो गुमीका मेर्मिमलाई र्‍वाम्‍डी, “मेङिनी, गो सो़।”