यूहन्‍ना 5:6 - थुलुङ राई

⁶ येशूका गुलाई मेसिन्‍डा झार्ल्‍याक्‍पा ल्‍वाम्‍डी। गु हापा थ आथाम नो़पा रेछा र्‍वाक्‍पा चम्‍डिमा मेरामलाई र्‍वाम्‍डी, “हाम समु इमा न बु?”

यूहन्‍ना 5:6 Referans Kwoze

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

लूका 18:41

“गो इमा लागि हाम बेउनु़ र्‍वाक्‍पा इ न बु?” गुका र्‍वाक्‍ता, “ङाचो़, गो आ मिक्‍सीका ल्‍वापा दु़म्‍ङुनु़।”

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

यूहन्‍ना 5:5

सु-लेत (३८) थ आथाम नो़पामा झार्ल्‍याक्‍पा कोले मु़चु़ मेसिन्‍डा बाइडा।

यूहन्‍ना 5:7

नो़पा मे मु़चु़का र्‍वाक्‍ता, “ङाचो़, कु दोमिम थारीका गोलाई मेगोयु़ हुमु ख्‍लो़पा सु़ वो मेबुमी। गो लक्‍तो-लक्‍तोङा गोडाम ङादो कोङमीङा मु़चु़ मेगोयु़ हुल्‍या।”