45 “पापकु ङादोडा गानीलाई गो मुमा बेनिनी र्वाक्पा मेमिम्नी। गानीलाई मुमा बेट्पा ने मोशा सो़, गुलामका ख्लो़ला सो़म्सिमु लन्थाट्निम बाइडा।
माम्चु़नीकु ङादोडा मुमा मान्थिम दु़म्मु लागि डु़म्लागोडाम खारी बेसीडा थो़र बेपा खोत्ले मु़चु़मिम वाइतो बेन्ला सो़सिमी। हेङालोने माम्चु़नीकु सिजेमडा र्याक्मा बु, “मोशाकु डु़म्लागोडा बाट्पा खोत्ले ल्वा जो़होमका मेबेसाका बाट्पा खोत्ले मु़चु़मिम वाइतो बेन्ला सो़सिमी।”
माम्चु़नीकु डु़म्ला मेथेसाका उहेमका छु़ल बेम्डिम बु, मेर्मिम मेराम डु़म्ला मान्थिङा पुयु़लुमी मा डु़म्लागोडा बासाका छु़ल बेम्डी माला मेर्मिमका वो मेराम डु़म्लालामकाङा देन्दे ल्वामी।
हाम मोशाका गानीलाई डु़म्ला ग्वाक्निमी मेएँ मा? मावो गानी सु़वो मेराम डु़म्ला होम्साका मेदोनी। हेङा गानी गोलाई सेन्मु माल्ङिनी?”
मेसेमलाई मुमा बेट्पा मु़चु़मिमका ओराम ल्वा थो़म्डिमा ङादो ङावालामका कोले-कोले बेत्तो वाङमिम वो मेलामका लु़म्डिमा लम्डी। मेम्मा येशू नुङ मे मेसेम कोङङा मेसिन्डा दु़म्ची। मे मेसेम येशूकु ङादोडा येम्तासिड्डा।
“लावो अब्राहामका र्वाक्ता, ‘मोशा नुङ माम्चु़नीलाम-जेपामिमका र्वाम्डिम खाजेम मेर्मिमनुङ बु। मेगोडा र्याक्मा सिजेमका र्वामिम होम्साका मेर्मिम दोमिनु़।’
गोलाई मेद्वाक्पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्डोम ल्वाका हुक्पा थारीनेम मेराम मु़चु़लाई मुमा बेडु़।