यूहन्‍ना 5:44 - थुलुङ राई

⁴⁴ गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

यूहन्‍ना 5:44 Referans Kwoze

यूहन्‍ना 12:43

हेङालोने माम्‍चु़नीका डोक्‍पु बोमिमिमडाम ने मु़चु़मिमका डोक्‍पु बोमिमिम मेर्मिमका हापा द्‌वाम्‍थाल्‍मिडी।

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।

१ पत्रुस 1:7

मुका खारेबु़मिम लावो हुक्‍पामा लक्‍पा सो़नाडाम वो इनीमा थो़र हापा थिकाम बु। आरेप्‍माम दु़खाका इनीमा थो़र आच्‍छाङा र्‍वाक्‍पा रेम्‍बु़। मेराम हापा दु़खामिमलामका इनीमा थो़र भाल-आथो़ मेदु़म्‍पामा येशू ख्रीष्‍ट सु़म्‍दिसेरडा रेम्‍बेम्‍सिप्‍मिमिम नेम ओराम थो़रका इनीमा नङ कोक्‍सु़, यु़म झ्‍वाबेडु़ मा डोक्‍पु दु़म्‍बेनी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

रोमी 2:10

लावो माम्‍चु़नीकु जो़पा खारी बेपा यहूदीमिमलाई ङादो मा वाङसामामिमलाई वो गुमीका डोक्‍पु बोमी मा न-भ्रसी बेन्‍मी।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

लूका 19:17

“हपका मेरामलाई र्‍वाक्‍ता, ‘छ्‌यावा! गाना छो़म जो़पा डु़ल्‍चो़, कतिकलङडाङा थो़रलु़इमिम दु़म्‍ना, को धु़म शहरडला गाना साखाम थो़पा दु़म्‍ना।’

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

हिब्रू 3:12

थो़रलु़पा वा-ल्‍वाक नी, चङचङया बानी, गानीगोडाम कोङनिमनुङ बाट्‌पा मेजो़पा न-गो मा थो़र मेलु़सीका गानीलाई हेल्‍लो लोवो दु़म्‍पाम बाट्‌पा माम्‍चु़नीडाम होनोवा मेदु़म्‍बेट्‌नु़।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 8:43

गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

यूहन्‍ना 3:20

मेजो़पा खारी बेपा खोत्‍ले मु़चु़का ओल मेद्‌वामी, मा मेर्मिमकु छु़लमिम रेम्‍बेम्‍सिप्‍मि र्‍वाक्‍पा ङिमका ओलकु फार्डा मेलमी।

यूहन्‍ना 5:41

“गानी आमा नङ कोनिमिम गोलाई मेबासी।

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।