41 “गानी आमा नङ कोनिमिम गोलाई मेबासी।
उ त्वापङा जेपा मु़चु़का उ त्वापलाई डोक्पु बेला सो़म्सिमु न बु़, लावो उहेमका गुलाई थु़र्पालाई डोक्पु बोमु खारी बु़, मेराम ने आच्छाङाकाम ल्वा जेपा सो़, मा मेरामनुङ हाम वो लिमा ल्वा मेदु़म।
मु़चु़मिमलाम गुकु कोला मेसो़सिट्कुवा मा गानीलाम वो मेएँ, वाङमिमलाम वो मेएँ।
गो आमा त्वाकाम यु़म-झ्वाक्सी मेमालु, लावो यु़म-झ्वाक्सी माल्पा कोले बुमी, मा गुमी निया बेपा बुमी।
आमा दुथाम सो़मु गोलाई मु़चु़ मेबासी। लावो गानी सेल्सिट्नी र्वाक्साका गो ओर्मिम ल्वा सो़उमिम।
येशूका र्वाम्डी, “गो आ त्वाकाङा यु़म-झ्वाबेट्पुवा माला ने मेराम हाम ना हामकाम दु़प्सावा। आमा यु़म-झ्वाबेट्पा ने आमा पाप बुमी, उहेमलाई गानी ‘आकीमा माम्चु़नी’ र्वानी।
मेर्मिमका गुमीलाई उनी हप दु़म्मु क्र्वामु माल्तोङा बोमी र्वाक्पा चम्डिमा येशू त्वापङा आथावो पोप्चङडला लम्डी।
गानी इनी त्वाप-त्वापगोडा डोक्पु बेला सो़म्सिमु माल्नी। लावो कोलेङा माम्चु़नीलाम रोक्पा डोक्पु बेला सो़सिसी ने मेमाल्नी, माला हेसाका गानी थो़रलु़नी मा?
गुमीलाई माम्चु़नी पापका डोक्पु मिम्मिडी मा उनी यु़म झ्वाबेट्मिडी। डोक्पु यु़म-झ्वाक्सीलामका उनीमा लो़लामका येशूलाई र्वाक्ता, “ओराम गो द्वाक्पुमिम आमा तारापाचो़, ओरामडाम गो छो़म गेर्सिक्पा बुङु।”
आरेप्मामङा दु़खा इम्मुकाम लागि माम्चु़नीका गानीलाई येट्निमिम सो़। हेङालोने गानी उनी सु़ल-सु़ल लाम्दिनी र्वाक्साका ख्रीष्टका वो इनीमा लागि इम्मिडिमा रेम्बेट्निमी।
मेम्मा वो ओराम त्वारो़म ल्वामु लागि आमाडा रोमु मेद्वानी।
हेङालोने माम्चु़नीकु रिखाम गानीगोडा मिबु र्वाक्पा गो चक्पु।
हेङालोने माम्चु़नीका डोक्पु बोमिमिमडाम ने मु़चु़मिमका डोक्पु बोमिमिम मेर्मिमका हापा द्वाम्थाल्मिडी।
