यूहन्‍ना 5:40 - थुलुङ राई

⁴⁰ मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

यूहन्‍ना 5:40 Referans Kwoze

यूहन्‍ना 3:19

मुलु़दुङकु ओरामङा सो़: माम्‍चु़नीकु ओल सु़म्‍दिसेरडा योक्‍ताम बाइडा। लावो मु़चु़मिमका ओलडाम ने तुकुम्‍चिमङा हापा द्‌वाम्‍डी, हेङालोने मेर्मिमकु खारीमिम मेजो़पा बाइडा।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

मत्ती 22:3

ग्रुला पेप्‍डा येड्‌डु़मिम बोच्‍चो़लाई येड्‌डा गुका उ डु़ल्‍चो़मिमलाई थु़र्स्‍तु़मी। लावो मेर्मिम रोमु मेबिम्‍सिप्‍मिवा।

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

यूहन्‍ना 5:41

“गानी आमा नङ कोनिमिम गोलाई मेबासी।

यूहन्‍ना 10:10

“खुचु़वा ने खुप्‍डा, सेड्‌डा नुङ पुयु़ लुबेड्‌डा कोङङा रो। लावो गो ने मेर्मिमका त्‍वारो़म ल्‍वामिनु़, मा मे त्‍वारो़म हापा ल्‍वामिनु़ र्‍वाक्‍साका योङडो।