यूहन्‍ना 5:36 - थुलुङ राई

³⁶ “लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 5:36 Referans Kwoze

यूहन्‍ना 10:25

येशूका मेर्मिमलाई र्‍वाम्‍डी, “गो गानीनुङ र्‍वाङ्‌डोम बु, लावो गानी थो़र मेलु़नी। आमा पापकु नङडा बेउमिम हेल्‍लो वो मेल्‍वाम्‍मा खारीकाङा आमा दुथाम सो़यु़।

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

१ यूहन्‍ना 5:9

मु़चु़का सो़यु़मिम ल्‍वाडा ने थो़र लु़इ लावो माम्‍चु़नीका सो़मिमिम ने मेरामडाम वो डोक्‍पु बु। हेङालोने माम्‍चु़नीका सो़मिमिम ल्‍वा ने ओराम सो़, मेराम गुमीका उनीमा तारापाचो़कु दुथाम र्‍वाम्‍डिम बु।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

मत्ती 11:4

येशूका मेर्मिमनुङ र्‍वाम्‍डी, “गानी हाम ल्‍वान्‍नी, थो़न्‍नी, मेर्मिम ल्‍वा लक्‍निमा यूहन्‍नानुङ सो़नी:

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

यूहन्‍ना 5:32

आमा दुथाम सो़पा पाप बुमी, गुमीका सो़मिमिम आमा दुथाममिम खोत्‍ले ल्‍वा आच्‍छाङा दु़म र्‍वाक्‍पा गो चक्‍पु।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

यूहन्‍ना 11:37

लावो मेर्मिमगोडाम कोङ-कोङका र्‍वाम्‍डी, “मिक्‍सीका मेल्‍वापा मु़चु़कु मिक्‍सी होर्साक्‍पाका ओराम मु़चु़लाई हेङा सिमु ग्‍वाम्‍डिम?”

लूका 2:49

येशूका मेर्चिपनुङ र्‍वाम्‍डी, “गानी हेङा गोलाई माल्‍ङिडिनिम? हाम गो आमा पापकु नेमडा बुमु बासी र्‍वाक्‍पा गानी चनिम मेबायावा?”