यूहन्‍ना 5:34 - थुलुङ राई

³⁴ आमा दुथाम सो़मु गोलाई मु़चु़ मेबासी। लावो गानी सेल्‍सिट्‌नी र्‍वाक्‍साका गो ओर्मिम ल्‍वा सो़उमिम।

यूहन्‍ना 5:34 Referans Kwoze

१ यूहन्‍ना 5:9

मु़चु़का सो़यु़मिम ल्‍वाडा ने थो़र लु़इ लावो माम्‍चु़नीका सो़मिमिम ने मेरामडाम वो डोक्‍पु बु। हेङालोने माम्‍चु़नीका सो़मिमिम ल्‍वा ने ओराम सो़, मेराम गुमीका उनीमा तारापाचो़कु दुथाम र्‍वाम्‍डिम बु।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

रोमी 10:1

वा-ल्‍वाकनी, इस्राएलीमिम सेल्‍सिमु ल्‍वामिनु़ र्‍वाक्‍साका आमा न-गोलाम ङा माम्‍चु़नीडा छो़म सो़म्‍दी बेउ।

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

यूहन्‍ना 5:41

“गानी आमा नङ कोनिमिम गोलाई मेबासी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

रोमी 12:21

मेजो़पा ल्‍वाका गानीलाई घ्‍ल्‍वामु मेचाप्‍सु़नु़, लावो मेजो़पा ल्‍वालाई जो़पा ल्‍वाका घ्‍ल्‍वानी।

रोमी 10:21

इस्राएलकु दुथाम गुका आरे र्‍वाक्‍ताम बु, “आमा ल्‍वा मेथो़पा मा आमा कोर्थो़लाम बक्‍पा मु़चु़मिमलाई येन्‍मु लागि नेम्‍तोम गो आमा ल्‍वा हम्‍तो।”

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

लूका 13:34

“यरूशलेमडाम मु़चु़नी, गानी माम्‍चु़नीलाम-जेपामिमलाई सेनी, मा माम्‍चु़नीका इनीमाडा थु़र्मीडिम सेलाचो़मिमलाई लुङका ओम्‍निमी। घ्‍लोमीका बुब्‍लोमिमलाई उ लाप्‍तेरगोयु़ बोडु़-थारु़मिमिम होङङा गो गानीलाई कोदेप खोम्‍मु छो़म माल्‍निनी, लावो गानी मेम बोमु मेग्‍वाङनिवा।

यूहन्‍ना 5:32

आमा दुथाम सो़पा पाप बुमी, गुमीका सो़मिमिम आमा दुथाममिम खोत्‍ले ल्‍वा आच्‍छाङा दु़म र्‍वाक्‍पा गो चक्‍पु।