25 आच्छाङा गो गानीलाई र्वाङु, मेराम थारी रोक्तोङा लेडु़, मा मेराम थारी ओम्लोङा सो़। सिपा मु़चु़मिमका माम्चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।
“ओराम ल्वाडा ङाङाया मेदु़म्नी, हेङालोने थारी रोक्तोङा लेडु़। मेकोतिलो सु़लु़मगोयु़ बाट्पा खोत्लेका माम्चु़नीकु लो़लाम थो़मी,
मेम्मा बान्ते ओल झ्वा, मेरामका खोत्ले ल्वा दो़बेडु़। मेम्मिमका आरे र्वाक्मा बु, “अम्चेट्पामिम ङोन्सिट्नी, मा सिमुलाम बग्गेट्नी, मा ख्रीष्टका उनीमा ओल गानीडला झ्वाबेन्मी।”
गुइ छु़ल बिइडिमका सिप्ल्याक्पा बाइडी लोवो माम्चु़नीका ख्रीष्टलाई सिमुलाम फम्डिलो गुमीनुङङा गुइलाई वो नु़बेसाड्डामी। आरेसाका गुमीका न-थो़म रेम्बेम्डिमा गानी सेल्सिट्निम बु।
लावो थारी रोक्तोङा लेडु़, मा मेराम थारी ओम्लोङा, हाङकोलो आच्छाङाकाम सो़रलोले बेपामिमका पापलाई पेलडा नुङ आच्छाङाका सो़रलोले बोमी।
“सार्डिस मण्डलीडाम पाह्रीचो़लाई ओराम ल्वा र्याका: माम्चु़नीकु येतले पेलमिम नुङ येतले सोरलुङमिम जेथाक्पाका आरे र्वामी, गाना बेन्नाम इमा खारीमिम गो चक्पु। गाना नु़पा बुना र्वाक्साका इमा नङ दोस्ताम बु लोवो गाना सिन्नाम बु।
उहेम माम्चु़नीकु चो़, माम्चु़नीका जेमिमिम ल्वा मेरामका थो़सु़। गानी माम्चु़नीकु चो़ मेएँ, मेम्मिमका गानी मेथो़निमिम।”
कोबिलि गानी सिन्निम बाइडा, हेङालोने गानी माम्चु़नीकु मु़चु़ मेबानिवा मा छु़ल बेपा मु़चु़ बान्नी, लावो माम्चु़नीका ख्रीष्टनुङङा फक्निमी। माम्चु़नीका खोत्ले इकीमा छु़ल हेप्साड्डामी।
इनीमा छु़लका नुङ माम्चु़नीकु कोर्थो़लाम खारी बेन्निमका ङादोम थारीबिलि गानी सिप्ल्याक्पा बान्नी।
गुइ वो गुमीनुङङा कु-रु़दु़मलाम सिसाका क्लु़म्सिड्डी, लोवो यु़मनुङमा माम्चु़नीका उनीमा यु़म-झ्वाक्सीलाम येशू ख्रीष्टलाई सिमुलाम फम्खेट्मिडी। मेम्साकाङा गुइ वो ख्रीष्टनुङङा लाले त्वारो़मडा लाम्दीइ।
गो र्वाङुमिम हेङा गानी थेसिमेथेनी? हेङालोने गो जेङुमिम ल्वा वो गानी थो़मु मेचाम्नी।
पापका सिपा मु़चु़मिमलाई फमिमा मेर्मिमलाई मेसिपा त्वारो़म ग्वामी। मेम्साकाङा तारापाचो़का उहेमलाई उ ग्वाग्वाद्वा मेरामलाई मेसिपा त्वारो़म ग्वाकु़।
हेङालोने ओराम सिडाम होङङा लु़ङडोम बाइडा, लावो ओम्लो नु़डाम बु। दाम्स्ताम बाइडा लावो ओम्लो ख्लोस्तामा इकीमाडा रोक्ताम बु।’ मेकोतिमा मेर्मिमका ग्रुला पेम्डि-डुम्डिमा गेर्सिक्तो छो़म्मु चो़म्मिडी।
गुमीका मेरामलाई र्वाम्डी, “हेल्लो वो मेसिपा त्वारो़म मेल्वासाका सिपामिमका ङा उनी सिपा रो़म क्लु़म्मिनु़। लावो गाना ने लक्सामा माम्चु़नीकु किब्दीकु दुथाम जो़पा-सेला थो़बेडामी।”
येशूका मेराम मेसेमलाई र्वाम्डी, “ए छापा, गोडला थो़र बे। थारी रोक्तोङा लेडु़, पापकु सो़रलोले गानी ओराम पोप्चङडला वो मेबोनी, यरूशलेमडा वो मेबोनी।
लावो गुइ आनेप पोमु-डुमुमा गेर्सिद्वामु बासिक्पाङा बु, हेङालोने इमा ल्वाक सिडाम बाइडा, लावो आथा नु़पाङा ख्लोसिड्डामा रोक्ता, दाम्स्ताम बाइडा, ओम्लो ख्लोस्तामा इकीमाडा रोक्ताम बु’।”
येशूका आरे र्वामु दु़म्मिडिमा पाह्रीथो़ रेप्साका सो़म्दी बेम्डी: “पाआ, थारी रोक्फाड्डाम बु। इनीमा तारापाचो़कु यु़म झ्वाक्नी, मा तारापाचो़का इनीमा यु़म झ्वाक्नु़।
सेल्सिमुनेमकु चाड ङादो गुमीका ओराम सु़म्दिसेर डिसाका पापकाडा लक्पा उनी थारी रोक्फाड्डा र्वाक्साका येशूका चम्डी। गुमीका सु़म्दिसेरडा बाट्पा उनी सीसिपामिम खोत्लेलाई रिखाम बेत्तो मेर्मिमलाई चङ्डासम्म छो़म रिखाम बेम्डी।
येशूकु सीसिपामिम हापाका र्वाम्डी, “ओराम सीसि थेसिथेन्मु हापा मेझापा बु। सु़का ओराम थो़मु चाप्सु़?”
गुका मेर्मिमनुङ र्वाक्ता, “बासीङा गो गानीलाई र्वामु दु़म्तो। लावो गानी मेथो़निवा। हेङा आथावो मेराम ल्वा थो़मु माल्निमिम? गानी वो उनीमा सीसिपा दु़म्मु न बोनी डे, हे डे?”