यूहन्‍ना 5:24 - थुलुङ राई

²⁴ “आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

यूहन्‍ना 5:24 Referans Kwoze

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

यूहन्‍ना 11:26

उहेम मु़चु़ नु़ मा गोडला थो़र बु़, मेराम हेल्‍लो वो मेसि। हाम गाना ओराम ल्‍वा थो़रलु़ना?”

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 8:51

आच्‍छाङा गो गानीलाई र्‍वाङु, कोङनिम मु़चु़ आमा सिजेम होम्‍साका दोस्‍ता माला मेराम मु़चु़ हेल्‍लो वो मेसि।”

१ थेसलोनिकी 5:9

माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

मर्कूस 16:16

उहेम-उहेम ओराम जो़पा-सेलाडा थो़र लु़मी, मा कु-रु़दु़म रमी मेर्मिम सेल्‍सिमी, मा ओराम ल्‍वाडा थो़र मेलु़पा नुङ कु-रु़दु़म मेरपामिम ने देन्‍दे ल्‍वामी।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

यूहन्‍ना 12:44

मेकोतिमा येशूका डोक्‍पु लो़लामका र्‍वाम्‍डी, “गोडला थो़रलु़पा मु़चु़का गोडला कोङङा मेएँ गोलाई थु़र्पाडला वो थो़र बु़।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ पत्रुस 1:5

मेर्मिम हुक्‍पा थारीका सेल्‍सिमु मेरोक्‍थु़मसम्‍म इनी थो़रलामका माम्‍चु़नीकु यु़मका गानीलाई बोनी-थार्नी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

यूहन्‍ना 4:36

मा-के हक्‍पाका उ ज्‍याला ल्‍वासु़, मा मेसिपा त्‍वारो़मकाम लागि मा-के खोप्‍डु़। मेम्‍मा मा-के ख्‍लिपा नुङ रु़पा कोयोङा गेर्सिन्‍ची।

यूहन्‍ना 6:50

पाह्रीलामका योक्‍पा सो़बेम ओराम सो़, उहेमका ओराम पु़ मेराम मेसि।

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

यूहन्‍ना 6:58

इनीमा बेप-पापमिमका पेम्‍डिम होप्‍माम सो़बेम गो मेएँ। मेर्मिमका सो़बेम पेम्‍डी मावो सिम्‍डी। गो ने पाह्रीलामका योक्‍पा सो़बेम सो़, मा उहेमका ओराम सो़बेम पु़, मेराम मु़चु़ हेल्‍लो लोवो नु़होम बु।”