यूहन्‍ना 5:23 - थुलुङ राई

²³ मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

यूहन्‍ना 5:23 Referans Kwoze

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

यूहन्‍ना 16:14

गुमीका आमा यु़म झ्‍वामी, हेङालोने गो हाम र्‍वाङु, गुमीका रमिमा मेराम गानीनुङ सो़मी।

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

मत्ती 12:21

खोत्‍ले सामा मु़चु़का उमा नङडा सेल्‍सिमु लम्‍थाप्‍मी।”

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

२ कोरिन्‍थी 5:19

मेराम र्‍वाक्‍मा ने मु़चु़मिमका बेम्‍डिम छु़लकु मुमा मेबेसाका माम्‍चु़नीका खोत्‍ले मु़चु़मिमलाई ख्रीष्‍टलामका गुमीनुङ न-थो़म घ्रो़म्‍बेट्‌मिडिम बु। मेम्‍मा वाङमिमलाई जो़पा-सेला थो़बेसाका न-थो़म घ्रो़म्‍बेट्‌पा खारी गुकुलाई ग्‍वाक्‍तिकिम बु।

२ कोरिन्‍थी 1:9

गुकु ने आच्‍छाङा सिमु होङङा लु़त्तोकोम बाइडा। गुकु आकी त्‍वाकु यु़मडा मेएँ, लावो सिपामिमलाई फक्‍पा माम्‍चु़नीडा थो़र लु़कुनु़ र्‍वाक्‍साका आरे दु़स्‍ताम।

१ कोरिन्थी 1:3

इकी माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

यूहन्‍ना 14:1

“इनीमा न-गोडा मेभ्रसिक्‍पा मेदु़म्‍नी। माम्‍चु़नीडा थो़रलु़नी, मा गोडला वो थो़र बेनी।

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

रोमी 15:12

आथावो माम्‍चु़नीलाम जेपा यशैयाका र्‍वा, “यिशैकु दोचो़लाम कोले रोमी, गुमीका वाङसामामिमडला साखाम थो़मी, गुमीलाम वाङसामामिमका सेल्‍सिमु न बोमी।”

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

यूहन्‍ना 17:10

गोनुङ बाट्‌पा खोत्‍ले इनीमाङा, मा गानीनुङ बाट्‌पा खोत्‍ले आमा। मेर्मिमलाम आमा यु़म झ्‍वास्‍ताम बु।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

मत्ती 15:8

‘ओर्मिम मु़चु़का गोलाई उनी सिका कोङङा डोक्‍पु बोङिमी, लावो उनी न-गो ने गोडाम होनोवा बु।