यूहन्‍ना 5:21 - थुलुङ राई

²¹ पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 5:21 Referans Kwoze

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

थु़र्मा 26:8

माम्‍चु़नीका सिपामिमलाई फमी र्‍वाक्‍पा ल्‍वा गानी हेङा थो़र मेलु़निमिम?

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।