यूहन्‍ना 5:20 - थुलुङ राई

²⁰ हेङालोने पापका तारापाचो़लाई रिखाम बोमी, मा गुमीका बोमिमिम खोत्‍ले खारी उनी तारापाचो़लाई रेम्‍बेन्‍मी। ओर्मिमडाम वो डोक्‍पुतो खारीमिम गुमीका उनी तारापाचो़लाई रेम्‍बेन्‍मी, मा गानी ङाङाया दु़म्‍नी।

यूहन्‍ना 5:20 Referans Kwoze

यूहन्‍ना 3:35

पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

२ पत्रुस 1:17

गुमीलाई माम्‍चु़नी पापका डोक्‍पु मिम्‍मिडी मा उनी यु़म झ्‍वाबेट्‌मिडी। डोक्‍पु यु़म-झ्‍वाक्‍सीलामका उनीमा लो़लामका येशूलाई र्‍वाक्‍ता, “ओराम गो द्‌वाक्‍पुमिम आमा तारापाचो़, ओरामडाम गो छो़म गेर्सिक्‍पा बुङु।”

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

यूहन्‍ना 14:12

“आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

यूहन्‍ना 10:32

लावो येशूका मेर्मिमनुङ र्‍वाम्‍डी, “हापा यु़मखारीमिम आमा पापलाम गो गानीलाई रेम्‍बेट्‌निनी। मेर्मिमगोडाम उहेम खारीकाम लागि गानी गोलाई लुङका ओम्‍ङिनिमिम?”

यूहन्‍ना 5:29

मा जो़पा खारी बेपामिम ने नु़मु लागि, मा मेजो़पा खारी बेपामिम ने देन्‍दे ल्‍वामु लागि सु़लु़मलामका बम्‍गेमी।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

मत्ती 4:8

आथावो शैतानका येशूलाई कोले येप्‍पा पोप्‍चङडला लडु़, मा सु़म्‍दिसेरडाम खोत्‍ले किब्‍दी नुङ मेर्मिमकु खोत्ले जो़पा जो़प्‍सी रेम्‍बेड्‌डु़,