यूहन्‍ना 5:18 - थुलुङ राई

¹⁸ मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।

यूहन्‍ना 5:18 Referans Kwoze

यूहन्‍ना 10:33

यहूदीमिमका र्‍वाम्‍डी, “जो़पा खारीकाम लागि गुकु गानालाई लुङका मेओम्‍कु, लावो माम्‍चु़नीलाई डक्‍साका जेन्‍नामका, हेङालोने गाना मु़चु़ दु़म्‍साका वो इ त्‍वापलाई माम्‍चु़नी र्‍वाक्‍ना।”

यूहन्‍ना 10:30

गो नुङ पाप कोलेङा।”

यूहन्‍ना 19:7

यहूदीमिमका र्‍वाम्‍डी, “आकीमा कोले डु़म्‍ला बु, मेराम होम्‍साका ओराम मु़चु़ सिमुङा बासी, हेङालोने गु माम्‍चु़नीकु तारापाचो़ र्‍वाक्‍साका उ त्‍वाकाङा र्‍वाक्‍ताम बु।”

यूहन्‍ना 8:58

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, अब्राहाम गमु ङादो आथामङा गो बुङु।”

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

फिलिप्‍पी 2:6

गुमी आच्‍छाङा माम्‍चु़नी बाम्‍डी, लावो माम्‍चु़नी कोतिमङा दु़म्‍मु मेमाल्‍मिवा,

रेम्‍बेट्‌मिडिम ल्‍वा 22:3

मेसिन्‍डा आथा ने हाम्‍सी वो वाइतो मेदु़म। माम्‍चु़नी नुङ भेन्‍दाचो़कु साखाम थो़पा खोम मेराम शहरडा दु़म, मा माम्‍चु़नीकु लाले-पाङकेचो़मिमका माम्‍चु़नीकु सो़रलोले बोमी।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

यूहन्‍ना 5:16

येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

यूहन्‍ना 14:9

येशूका र्‍वाम्‍डी, “फिलिप, आकोम थारीसम्‍म गानीनुङ बाङ्‌डो मा वो गाना गोलाई मेछेङिमिम? उहेमका गोलाई ल्‍वाङ्‌डिम बु, मेरामका पापलाई ल्‍वास्‍तु़म बु। हेसाका गाना ‘गुकुलाई पाप रेम्‍बेट्‌किनी’ र्‍वामु चाम्‍ना?

मत्ती 12:5

सो़रनेमडा डु़म्‍लाचो़मिमका ङेम्‍सिमुनेम खारी बेसाका ङेम्‍सिमुनेमलाई मेसेपा बोमी मावो ख्‍लो़ट्‌पा मेदु़म्‍मी र्‍वाक्‍साका डु़म्‍लाडा र्‍याक्‍मा हाम गानी डाट्‌निम मिबु?

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 5:15

गुलाई सबेट्‌पा ने येशू रेछा र्‍वाक्‍पा ल्‍वा लस्‍तामा यहूदी ङाउमिमनुङ सो़यु़डु़।

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”