यूहन्‍ना 5:16 - थुलुङ राई

¹⁶ येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

यूहन्‍ना 5:16 Referans Kwoze

यूहन्‍ना 15:20

गो गानीलाई र्‍वाङडोम सिजेम मिम्‍नी, ‘डु़ल्‍चो़ नेमहपडाम डोक्‍पु मेदु़म।’ मेर्मिमका आमा ने थो़मतेर्मी माला इनीमा वो थो़मतेर्मी। मेर्मिमका आमा सीसि थो़मी माला इनीमा सीसि वो थो़मी।

यूहन्‍ना 10:39

मेर्मिमका आथावो गुमीलाई चु़म्‍मु माल्‍मिडी, लावो गुमी मेर्मिमलामका स्‍वाम्‍डी।

यूहन्‍ना 7:25

यरूशलेमडाम कोङनिम मु़चु़का आरे र्‍वाबोमु चो़म्‍मिडी, “डोक्‍पु मु़चु़मिमका सेन्‍मु माल्‍मिमिम ओराम मु़चु़ङा मेडे?

यूहन्‍ना 5:13

लावो मेराम मु़चु़का गुमी सु़ र्‍वाक्‍साका छेड्‌डु़म मेबायावा। हेङालोने मेसिन्‍डा सेर्पा मु़चु़ बाम्‍डिमका येशू मेलामका लम्‍ल्‍याम्‍डिम बाइडा।

लूका 6:11

ओराम ल्‍वाम्‍डिमा यहूदीकु डु़म्‍ला सीपा पातु़म्‍रीमिम नुङ फरिसीमिमकाम छो़म उनी छोक्‍चो बक्‍ता, मा येशूलाई हे बिइ र्‍वाक्‍साका उनी त्‍वाप-त्‍वापडा र्‍वाबोमु चो़म्‍मिडी।

मर्कूस 3:6

मेकोतिमा फरिसीमिम मेलामका लम्‍डी, मा येशूलाई हेसाका सेन्‍मु र्‍वाक्‍साका हेरोदीमिमनुङ मुलु़ बोमु चो़म्‍ल्‍याम्‍डी।

मत्ती 12:13

मेकोतिमा गुमीका मेराम मु़चु़लाई र्‍वाम्‍डी, “इमा ल्‍वा हम्‍डा!” मा गुका उ ल्‍वा हम्‍डु़। मेम्‍मा मेरामकु ल्‍वा कोङमी ल्‍वा होप्‍मामङा नु़पा दु़स्‍ल्‍याड्‌डा।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 5:10

मेम्‍मिमका यहूदी ङाउमिम कोर्थो़लाम बम्‍डी। मेर्मिमका सपा मे मु़चु़लाई र्‍वाम्‍डी, “ङेम्‍सिमुनेम गाना खारी बेसीमेनु़। मे प्‍लान कुर्मु डु़म्‍लाका मेग्‍वाना।”

यूहन्‍ना 5:15

गुलाई सबेट्‌पा ने येशू रेछा र्‍वाक्‍पा ल्‍वा लस्‍तामा यहूदी ङाउमिमनुङ सो़यु़डु़।

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

यूहन्‍ना 5:18

मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।

यूहन्‍ना 7:21

येशूका मेर्मिमनुङ र्‍वाम्‍डी, “हेल्‍लो वो मेल्‍वाम्‍मा कोले खारी गो बेउतोमा गानी खोत्‍ले ङाङाया दु़म्‍निम बु।