यूहन्‍ना 5:15 - थुलुङ राई

¹⁵ गुलाई सबेट्‌पा ने येशू रेछा र्‍वाक्‍पा ल्‍वा लस्‍तामा यहूदी ङाउमिमनुङ सो़यु़डु़।

यूहन्‍ना 5:15 Referans Kwoze

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

यूहन्‍ना 9:30

मेराम मु़चु़का र्‍वाक्‍ता, “हेप्‍माम हेल्‍लो वो मेथो़म्‍मा ल्‍वा, गुमी बालामका रोम्‍डिम मेराम मेचनी, लावो गुमीका आमा मिक्‍सी होर्साङ्‌डिमी।

यूहन्‍ना 9:25

गुका र्‍वाक्‍ता, “गुमी छु़लचो़ डे मेएँ, मेराम गो मेचक्‍पु। गो कोलेङा ल्‍वा चक्‍पु, गो मिक्‍सीका मेल्‍वापा बाङडो, लावो ओम्‍लो ल्‍वापा दु़म्‍ङोडोम बु।”

यूहन्‍ना 9:15

मेराम मु़चु़ हेसाका ल्‍वापा दु़स्‍ता र्‍वाक्‍साका फरिसीमिमका मेरामनुङ हिलाबेम्‍डी। मेरामका र्‍वाक्‍ता, “गुमीका ङोल्‍मा क्‍वा आमा मिक्‍सीडा क्‍लङ्‌साङ्‌डिमी, मा गो सो़ल्‍तोमा मिक्‍सीका ल्‍वापा दु़म्‍ङोडो।”

यूहन्‍ना 5:12

मेर्मिमका गुनुङ हिलाबेम्‍डी, “इमा प्‍लान कुरामा लाम्‍दिया गानालाई र्‍वाक्‍पा मु़चु़ सु़?”

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

यूहन्‍ना 5:10

मेम्‍मिमका यहूदी ङाउमिम कोर्थो़लाम बम्‍डी। मेर्मिमका सपा मे मु़चु़लाई र्‍वाम्‍डी, “ङेम्‍सिमुनेम गाना खारी बेसीमेनु़। मे प्‍लान कुर्मु डु़म्‍लाका मेग्‍वाना।”

यूहन्‍ना 5:16

येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

यूहन्‍ना 5:18

मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।