यूहन्‍ना 4:9 - थुलुङ राई

⁹ मे सामरी मेसेमका र्‍वाक्‍ता, “गानी यहूदी मा गो सामरी मेसेम, हेसाका रे कु डुमु आमाडा बिनिमिम?” (सामरीमिमडाम यहूदीमिम वाङ बुम्‍थाल्‍मी।)

यूहन्‍ना 4:9 Referans Kwoze

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

यूहन्‍ना 8:48

यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

मत्ती 10:5

येशूका मे को-न (१२) थु़र्मामिमलाई आरे बेम्‍डिमा थु़र्मिडी, “वाङसामामिमकाडा मेलक्‍नी, मा सामरीमिमकु शहरडा मेहुनी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

यूहन्‍ना 4:27

मेकोतिलोङा उनी सीसिपामिम ख्‍लोम्‍सीम्‍डिमा रोम्‍डी, मा गुमी कोले मेसेमनुङ जेत्तोङा बेम्‍डिम ल्‍वासाका ङाङाया दु़म्‍मिडी। लावो “गानी हाम माल्‍निमिम?” डे “गानी मे मेसेमनुङ हेङा ल्‍वा बोनिमबुनिमिम?” र्‍वाक्‍साका सु़का वो हिला मेबेमिवा।

लूका 10:33

मेकोतिमा कोले सामरियाडाम मु़चु़ वो मेरामधाली योक्‍ता, मा मेराम मु़चु़लाई ल्‍वास्‍तु़लो छो़म उ थो़म भ्रो़स्‍ता।

थु़र्मा 10:32

मेम्‍मिमका पत्रुस र्‍वाक्‍मा सिमोनलाई येड्‌डा योप्‍पायु़ मु़चु़मिमलाई थु़रामी। गु दिरिदिनकु सो़पडा कोक्‍तेकु खारीबेपा सिमोनकु नेमडा बु।’