यूहन्‍ना 4:45 - थुलुङ राई

⁴⁵ गालीलडाम मु़चु़मिमका गुमीलाई आथावो हुनाखाना बेम्‍डी, हेङालोने सेल्‍सिक्‍पानेमकु चाडकाम थारीका मेर्मिम यरूशलेमडा बाम्‍डिम बाइडा। मेम्‍मा येशूका बेम्‍डिम खोत्‍ले मेर्मिमका मेसिन्‍डा ल्‍वाम्‍डिम बाइडा।

यूहन्‍ना 4:45 Referans Kwoze

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

लूका 9:53

लावो येशू मेलामका यरूशलेमथो़ङा लमी र्‍वाक्‍पा चम्‍डिमा सामरियाडाम मु़चु़मिमका गुमीलाई हुनाखाना मेबेमिवा।

लूका 8:40

येशू ख्‍लोसिम्‍डिमा रोम्‍डिलो सेर्पा मु़चु़मिमका गुमीलाई हुनाखाना बेम्‍डी, हेङालोने मेर्मिम खोत्‍लेका गुमीलाई लथाट्‌मिडिम बाइडा।

लूका 13:1

मेकोतिलोङा कोले नले मु़चु़ येशूकाडा रोम्‍डिमा गालीलडाम मु़चु़मिमका सो़रनेमडा सासेत्तोङा लेट्‌मिडिलो पिलातसका सेड्‌डु़मिम ल्‍वा सो़म्‍डी।

यूहन्‍ना 4:54

यहूदिया क्षेत्रलामका गालील क्षेत्रडा रोम्‍डिमा येशूका बेम्‍डिम ओराम ननोम उनी छेखोप बाइडा।